paata gaa naalo

మిత్రులకి వందనం

చాలారోజులైంది మిమ్ములని కలిసి, చాలరోజులనుంచి మీకు ఇళయరాజా గారి క్షత్రియుడు చిత్రంలోని "పాటగా నాలో" గీతాన్ని గుర్తుచేద్దాం అనుకుంటున్నా కుదరలేదు, ఈరోజు పట్టుపట్టి పాట లిరిక్ విని రాసి పెడుతున్నా.

రాజశ్రీ గారు రాసిన ఈపాట చిత్రమ్మ గొంతులో అద్భుతంగా పలికింది. డబ్బింగ్ పాట అని చెప్తేనే కాని తెలియదు.

పాట స్టార్టింగ్ మురళి గానం వినండి థాట్స్ వాట్ రాజా.

ఒరిజినల్ తమిళ్ లో స్వర్ణలత గారు పాడారు we miss you mam



పాటగా నాలో మధురాలు విరిసే
మల్లెలీవేళా  పరువాలు  పరిచే
దేహం అదిరెనో  ఓహో మొహం విరిసేనో
ప్రాయం మాటులో ఓహో మౌనమ్ వెలిసెనో
హృదయమే పిలిచేనే చిగురాశలే పలికేనే


వలపే తేనే నవ్వుల జల్లై ఎదలో కురిసే
తలపే కోటి చిందులేసే  అలలై మెరిసే
వగలే కొసరి రాగమాలా కదిలే వింత పాటలే
కోరే చిలిపి బాసలోనా చిలికే లేత ద్యాసలే
హృదయమే పిలిచేనే చిగురాశలే పలికేనే

వయసే నేడు ఇంద్రధనుసై కధలేతెంచే
మనసే గుండెలోన వేయి కలలే పంచే
కనులే నాకు జోల పాడే ఇది ఏ రాజ యోగమో
కసిగా మనసు ఆలపించే ఉరికే రాగ బంధమో
హృదయమే పిలిచేనే చిగురాశలే పలికేనే

https://www.youtube.com/watch?v=i92fwKRxy2E

https://www.youtube.com/watch?v=l-YS-FitkVA

poraa po poraa srimantudaa

మిత్రులకి శుభోదయం 

ఈ మద్య కొన్ని మంచి పాటలు వస్తున్నాయి, శ్రీమంతుడు సినిమా చూసా చాలా బాగా తీసారు కొరటాల శివ గారు, ఈ మద్య వచ్చిన గేయ రచయతలలొ @ramajogaiahsastrydarivemula  ఒక మంచి రచయత, మంచి పాటలు రాస్తున్నారు. ఖలేజా చిత్రం లో సదాశివ సన్యాసి పాట మనకి  బాగా తెలిసిన పాట అది వీరు రాసినదే. 

సింగల్ కార్డు రాయడం ఈ మద్య తగ్గిందనే చెప్పాలి, వేటూరి, సీతారామశాస్త్రి గార్లతోనే అది ఆగిపోయింది, ఇప్పుడు రామజోగయ్య శాస్త్రి గారు మళ్ళి శ్రీమంతుడు లో అన్ని పాటలు రాసి ఆ క్రెడిట్ కొట్టారు.  

టైటిల్ సాంగ్ నాకు బాగా నచ్చింది, ఈ రోజు రామజోగయ్య శాస్త్రి గారి పుట్టిన రోజు వారికి జన్మదిన శుభాకాంక్షలు. 

అయ్యా చెవులకు వినిపించే లాగ పాటలు రాస్తున్నారు, ఇంకా మంచి పాటలు రాయండి. ఒక్క మనవి ఇతర భాషా గాయకులు పాడడం చేత కొన్ని తప్పులు వస్తున్నాయి, diction బాగుండడం లేదు, దయచేసి వారు పాడినప్పుడు మీరు కూడా ఉండండి, ఇది చాలా కాలంగా ఉన్న సమస్యే కాని మంచి అర్ధం ఉన్న ఇల్లాంటి పాటల విషయంలో కొంచెం జాగ్రత్త పడితే, పదికాలాలు నిలుస్తుంది.  MLR  కార్తికేయ పాడిన ఈ పాట DSP చేసారు. 

ఓ నిండు భూమి నిను రెండు చేతులతో కౌగిలించమని పిలిచినదా 

పిలుపు వినరా మలుపు కనరా పరుగువై పద పదరా 

గుండె దాటుకొని పండుగైన కల పసిడి దారులను తెరిచినదా 

ఋణము తీర్చే తరుణమిదిరా  కిరణమై పద పదరా 

ఓ ఏమి వదిలి ఎటు కదులుతోందో  మది  మాటకైన మరి తలచినదా 

మనిషితనమే నిజముతనమై పరులకై పద పదరా 

మరలి మరల వెనుతిరగనన్న చిరు నవ్వే నీకు తొలి గెలుపు కదా 

మనసు వెతికే మార్గమిదిరా  మంచికై పద పదరా 

లోకం చీకట్లు చీల్చే గేయం  నీ ఇంధనం ప్రేమై వర్షించని  నీ ప్రాణం 

సాయం సమాజమే నీ ద్యేయం  నిరంతరం 

కోరే ప్రపంచ సౌఖ్యం నీకుగాక ఎవరికి  సాధ్యం 

విశ్వమంతటికి పేరు పేరునా ప్రేమ పంచగల పసితనమా 

ఎదురు చూసే యెదను మీటే పవనమయి పద పదరా 

లేనిదేదో పనిలేనిదేదో విడమరచి చూడగల ఋషి గుణమా 

చిగురు మురిసే  చినుకుతడిగ పయనమై పద పదరా 

పోరా శ్రీమంతుడా పో పోరా శ్రీమంతుడా 

నీలో లక్ష్యానికి జై హో 

పోరా శ్రీమంతుడా పో పోరా శ్రీమంతుడా 

నీలో స్వప్నాలన్నీ సాకారమవగా జై హో 

https://www.youtube.com/watch?v=SqUcNqAYw84

మిత్రులకి వందనం

ఈ రోజు శనివారం అందునా చిరంజీవి గారి బర్తడే కూడా, బంగాళా భౌ భౌ అని వంటకం ట్రై చెయ్యకూడదు, హ హ హ హ  వాట్ ఎ కామిడి అండి. చిరంజీవి గారు డాన్సులు ఫైట్లు కాదు అద్భుతమైన కామిడి చేస్తారు. ఇప్పుడే E T V లో చంటబ్బాయి వస్తూ ఉంటే చూస్తున్నా. పాండ్ జేమ్స్ పాండ్.... ఇదిగో చూడండి మిస్ జ్వాలా మిమ్ములని కొన్ని ప్రశ్నలడగాలి... ఎన్ని సార్లు చూసినా బోర్ కొట్టని సూపర్ సినిమా. థాంక్స్ టూ జంధ్యాల గారు. మల్లాది వారి నవల ఆధారంగా తీసిన చిత్రం ఇది.

1986 లో ఇదే రోజున చిరంజీవి గారి పుట్టినరోజు సందర్భముగా రిలీజ్ చేసారు. చక్రవర్తి గారి సంగీతం అందించిన ఈ చిత్రం లోని నీను నీకై పుట్టినానని పాట నాకు చాలా ఇష్టమైన పాట, వేటూరి వారి సాహిత్యం.



https://www.youtube.com/watch?v=Vr06_pD9psI

మిత్రులకు శుభోదయం

షష్టిపూర్తి జరుపుకుంటున్న సుప్రీం హీరో చిరంజీవి గారికి జన్మదిన శుభాకాంక్షలు. ఏంటి అంతా మెగా స్టార్ అంటారు వీరు సుప్రీం హీరో అని అంటున్నారని ఆశ్చర్యపోతున్నారా, నా టీనేజ్ లో చిరంజీవి గారిని ఇలానే పిలిచేవారు, తరువాత తరువాత మెగా స్టార్ అన్నారు. వారి తల్లి గారు అంజనా దేవి గారికి కూడా జన్మదిన శుభాకాంక్షలు, ఏంటి వారి అమ్మగారి పుట్టిన రోజు కూడా ఇవాళే అనుకుంటున్నారా, కాదు  తల్లి మనల్ని కనటం కోసం అష్టకష్టాలు పడి ఈ భూమిమీదకి తెస్తుంది కదా ఆవిడ పడే కష్టం పునర్జన్మ తో సమానమంటారు, ప్రతీ తల్లి బిడ్డని కని మళ్ళి జన్మిస్తుంది కాబట్టి వారి అమ్మగారికి కూడా చెప్పా.

 చిరంజీవి అంటే కేవలం మాస్ ఆడియన్స్ కోసమని, బ్రేక్ డాన్సులు, ఫైట్స్ తప్ప వేరే ఉండవు అని ఎందరో విమర్శించారు, విమర్శిస్తున్నారు. వారందరికీ ఒక మనవి చిరంజీవి ఒక మంచి నటుడు కావాలంటే వారు చేసిన కొన్ని చిత్రాలు చెప్తా చూడండి. శుభలేఖ, మంచు పల్లకి, ఆలయశిఖరం, విజేత, ఆరాధన, రుద్రవీణ, స్వయంకృషి, ఆపద్భాందవుడు ఇలా చాలానే ఉన్నాయ్ లిస్టు చెప్పుకుంటూ పొతే. పైన చెప్పిన ఏ చిత్రాలు కమర్షియల్ చిత్రాలు కావు, ఎంత మంది ఈ ఆర్టికల్ చదువుతున్నవారు చిరంజీవి ని విమర్శించే వారు చూసారు. తన పందా మార్చి మాస్ చిత్రాలు చేసారు చిరు ఎక్కవుగా. ఈ రోజు ప్రేక్షకుల పందా మారింది, ఆలోచనా విధానం మారింది. కంటెంట్ లేక పొతే కటవుట్ లేదంటున్నారు. ఈ రోజు 100 కోట్లు శ్రీమంతుడు సాదించింది అంటే ప్రేక్షకులలో మార్పే కారణం అంటా. సొంత బ్యానర్ మీద రుద్రవీణ చిత్రం తీసి ఆర్ధికంగా ఎంతో నష్టపోయారు చిరు.


150 చిత్రం గురించి అందరు చర్చిస్తున్నారు అంతగా నాకు ఇంటరెస్ట్ లేదు కారణం బాలచందర్, బాపు, విశ్వనాద్, భారతీరాజా లాంటి దర్శకులు లేరు, ఉన్న మంచి దర్శకులు (నాకు నచ్చే) కృష్ణ వంశి, రాజమౌళి, త్రివిక్రమ్, శ్రీకాంత్ అడ్డాలా లాంటి వారితో చెయ్యరేమో ? అందుకని వారి పాత చిత్రాల్లో ఉన్న మజా ఉండకపోవచ్చు.


నాకు చాలా చాలా ఇష్టమైన చిరంజీవి గారి ఈ పాట వినండి చూడండి

https://www.youtube.com/watch?v=S8ANsRfVPSw

మిత్రులకి వందనం 

రేపటికి అరవై వసంతాలు పూర్తి చేసుకోబోతున్న  మెగాస్టార్ చిరంజీవి గారికి ముందుగా జన్మదిన శుభాకాంక్షలు. వారి తల్లి గారి పేరు అంజనాదేవి, ఆయన ఆంజనేయస్వామి పరమ భక్తుడు అందుకే జోన్నవిత్తులు గారు హనుమంతులువారి మీద రాసిన ఈ దండకం మీకోసం, JVSLS చిత్రం నుంచి

https://www.youtube.com/watch?v=P9FJswp58FE

ghallu ghallu mani

మిత్రులకి వందనం 

కొందరు పెద్దలకి చిరంజీవి గారి మాస్ పాటలు నచ్చటం లేదు, నచ్చావ్ కూడా, కాని చిరంజీవి గారు స్వతహాగా మంచి ఆలోచన కలిగిన వ్యక్తి అందుకే కొన్ని అద్భుతమైన చిత్రాలు చేసారు, అందులో ఒకటి ఇంద్ర. మణిశర్మ సంగీతం అందించిన ఈ చిత్రంలోని ఘల్లు ఘల్లు మని పాట శాస్త్రి గారి కలం నుంచి కురిసింది.

ఈ పాట లో బాలు గారితో పాటు హై పిచ్ నోట్స్ ని మల్లికార్జున్ చేత పాడించారు. మల్లి అంటే ఏదో సాఫ్ట్ కార్నెర్ ఎందుకంటే ఒకటి తను మా ఊరివాడు, మా అన్నయ్య గారి శిష్యుడు కావడం. అదంతా పక్కన పెడితే నిజంగా ఆ బిట్ అద్భుతంగా పాడాడు. ట్రాక్ పాడించారట తనచేత, బాలు గారే పాడాలట ఆ బిట్ కూడా నాకన్నా మల్లి బాగా పాడాడు అదే ఉంచండి అన్నారట బాలు, థాట్స్ రియల్లీ గ్రేట్.      


ఘల్లు ఘల్లు మని సిరి మువ్వలే చినుకే చేరగా
ఝల్లు ఝల్లు మని పులకింతల్లో పుడమే పాడగా
ఘల్లు ఘల్లు మని సిరి మువ్వలే చినుకే చేరగా
ఝల్లు ఝల్లు మని పులకింతల్లో పుడమే పాడగా
హరివిల్లు ఎత్తి కరి మబ్బు వాన బాణాలే వేయనీ
నిలువెల్ల మంచు వడగళ్ళు తాకి కడగళ్ళే తీరనీ
జడివాన జాడాతో ఈ వేళ జన జీవితాలు చిగురించేలా
రాళ సీమలో ఈ వేళ రతనాలు ధారలే కురిసేలా
జడివాన జాడాతో ఈ వేళ జన జీవితాలు చిగురించేలా
రాళ సీమలో ఈ వేళ రతనాలు ధారలే కురిసేలా
ఘల్లు ఘల్లు మని సిరి మువ్వలే చినుకే చేరగా
ఝల్లు ఝల్లు మని పులకింతల్లో పుడమే పాడగా

రాకసులు ఇక లేరని ఆకాశానికి చెప్పనీ
ఈ రక్తాక్షర లేఖనీ ఇపుడే పంపనీ
అన్నెం పున్నెం ఎరగని మా సీమకి రా రమ్మనీ
ఆహ్వానం అందించనీ మెరిసే చూపునీ
తొలగింది ముప్పు అని నీలి మబ్బు మనసార నవ్వనీ
చిరుజల్లు మునుపు మన ముంగిలంతా ముత్యాలే చల్లనీ
ఆశాసు గంధమై నేలంతా సంక్రాంతి గీతమై పాడెలా
శాంతి మంత్రమై గాలంతా దిశలన్నీ అల్లనీ ఈ వేళ
జడివాన జాడాతో ఈ వేళ జన జీవితాలు చిగురించేలా
రాళ్ళ  సీమలో ఈ వేళ రతనాలు ధారలే కురిసేలా

భువిపై ఇంద్రుడు పిలిచెరా వరుణా వరదై పలకగా
ఆకశాన్నే ఇల దించరా కురిసే వానగ
మారని యాతన తీర్చగా మా తల రాతలు మార్చగా
ఈ జల యజ్ఞ్యం  సాక్షిగా తలనే వంచరా
మహరాజు కాలి సమిదల్లె మారి నిలువెల్లా వెలెగెరా
భోగాన్ని విడిచి త్యాగన్ని వలచి తాపసిగానిలిచెరా
జనక్షేమమే తన సంకల్పంగా తన ఊపిరే హోమజ్వాలలుగా
స్వర్గాన్నే శాసించెనురా అమృతములు ఆహ్వానించెనురా
జడివాన జాడాతో ఈ వేళ జన జీవితాలు చిగురించేలా
రాళ్ళ సీమలో ఈ వేళ రతనాలు ధారలే కురిసేలా
ఘల్లు ఘల్లు మని సిరి మువ్వలే చినుకే చేరగా

ఝల్లు ఝల్లు మని పులకింతల్లో పుడమే పాడగా
హరివిల్లు ఎత్తి కరి మబ్బు వాన బాణాలే వేయనీ
నిలువెల్ల మంచు వడగళ్ళు తాకి కడగళ్ళే తీరనీ
జడివాన జాడాతో ఈ వేళ జన జీవితాలు చిగురించేలా
రాళ్ళ  సీమలో ఈ వేళ రతనాలు ధారలే కురిసేలా
జడివాన జాడాతో ఈ వేళ జన జీవితాలు చిగురించేలా
రాళ్ళ సీమలో ఈ వేళ రతనాలు ధారలే కురిసేలా

https://www.youtube.com/watch?v=Lmb-HU7NiWQ

hima seemallu hallo

మిత్రులకి శుభోదయం

రేపే బాస్ మెగా స్టార్ పుట్టిన రోజు. అర్దాంతరంగా మనలందరిని విడిచి వెళ్ళిపోయిన "సౌందర్య"వతి చిరు తో కలిసి చేసిన అన్నయ్య చిత్రం సూపర్ హిట్, మణిశర్మ మంచి మెలోడీ సాంగ్స్ ఇచ్చారు.

అన్నయ్య సినిమా పేరు విన్నప్పుడు ఒక మధురానుభవం గుర్తొస్తుంటుంది, ఈ చిత్రం రిలీజ్ అయిన రోజులల్లో నేను కర్ణాటక రాష్ట్రం బళ్ళారి లో ఉండేవాడిని, చెప్పాలంటే ఆంద్ర దేశంలో చిరుకి ఎంత ఫాల్లోయింగ్ ఉందో అంతకు తీసిపోకుండా కర్ణాటకలో కూడా ఉంది. బళ్ళారిలో మొదటి వారం రిలీజ్ చెయ్యలేదని నేను నా మిత్రుడు శ్రీను కలిసి బెంగళూరు వెళ్ళి చిత్రం చూసాం, నిజంగా వైజాగ్ లో జగదాంబా ధియేటర్ లో చూస్తున్నామనే భావనే, అదే గోలా అదే ఎంజాయ్మెంట్.






https://www.youtube.com/watch?v=a4YHOuKTfbc 

raajaa sekharaa.

మిత్రులకి శుభోదయం

చిరు పాటల వరసలో  ఈ రోజు ముగ్గురు మొనగాళ్ళు చిత్రం నుంచి రాజశేఖరా పాట చూద్దాం, విద్యాసాగర్ సంగీత దర్శకత్వం వహించిన ఈ చిత్రాన్ని చిరంజీవి గారు తమ సొంత బ్యానర్ అంజన ప్రొడక్షన్స్ నిర్మించారు. కే రాఘవేంద్ర రావు గారి దర్శకత్వం, ఈ పాటలో బాగా కనిపిస్తుంది. చెప్పుకో దగ్గ సాహిత్యం కాదు అనేది నా స్వంత అభిప్రాయం అందుకే ప్రతిసారి లా కాకుండా కేవలం వీడియో మాత్రమే పెడుతున్నా.



https://www.youtube.com/watch?v=PNrX2ixqd3M

guvva gorinka to

మిత్రులకి శుభోదయం

చిరంజీవి గారి నా అల్ టైం హిట్ గువ్వా గోరింకతో, ఖైది నెo 786 చిత్రం లోనిది, రాజ్ కోటి ద్వయం చేసిన ఈ పాట బాలు జానకి పాడితే వేటూరి గారు సాహిత్యం అందించారు.

విజయబాపినీడు దర్శకత్వం వహించిన ఈ చిత్రం బాక్స్ ఆఫీసు హిట్. చిరంజీవి గారితో చాలా చిత్రాలు చేసారు బాపినీడు, మీకందరికీ తెలిసిన సూపర్ హిట్ చిత్రం గ్యాంగ్ లీడర్, బిగ్ బాస్ (ఫ్లాప్ అనుకోండి), మగధీరుడు, మహానగరం లో మాయగాడు, హీరో  లాంటి చిత్రాలు.

perfect  డాన్సు స్టెప్స్ వేస్తారు చిరు, తనకి మంచి డాన్సర్ తోడైతే ఇంకేముంది సూపర్ హిట్ పెయిర్ అవుతుంది. మిత్రులు గమనిచండి ప్రతీ స్టెప్ క్లోసింగ్ ఎంత చక్కగా చేస్తారో ఇద్దరు. ఎంతైనా చిరంజీవి నుంచి కళ్ళు తిప్పుకోలేము అనుకోండి పక్కన ఎంత పెద్ద హీరోయిన్ అయినా.

పాట స్టార్టింగ్ బాలు గారి ఆలాపన వినండి ఎంత సునాయాసంగా పాడారో, ధన్యులం మేము మీరు తెలుగు వారు కావడం.

గువ్వ గోరింకతో ఆడిందిలే బొమ్మలాట
నిండు నా గుండెలొ మ్రోగిందిలే ఓ వీణ  పాట
ఆడుకొవాలి గువ్వ లాగ
పాడుకుంటాను నీ జంట గొరింకనై

జొడు కొసం గొడ దూకే వయసిది   తెలుసుకో అమ్మాయిగారు
అయ్యో    పాపం  అంత తాపం  తగుదులె తమరికి అబ్బాయిగరు
ఆత్రము   అరాటము చిందే వ్యామొహం    
ఊర్పులొ   నిట్టూర్పులొ అంతా నీ ధ్యానం  
కొరుకున్ననని ఆట  పట్టించకు
చెరుకున్నానని నన్ను దోచేయకు    
చుట్టుకుంటాను సుడిగాలి

కొండ నాగు తొడు చేరి నాగిని  బుసలలో  వచ్చే సంగీతం
సందె కాడ  అందగత్తె పొందులొ ఉందిలే  ఎంతో సంతొషం 
పువ్వులొ మకరందము  ఉందె నీ కొసం     
తీర్చుకొ ఆ దాహము  వలపే జలపాతం
కొంచం ఆగాలిలే కొరిక తీరేందుకు     
దూరం ఉంటానులే దగ్గరయ్యెందుకు     
దాచిపెడతాను నా సర్వము

https://www.youtube.com/watch?v=gW_L9EDh2C4

jivvu mani konda gaali

మిత్రులకి శుభోదయం

చిరంజీవి గారికి బాలు పాడితేనే కరెక్ట్ గా సరిపోతుంది అనుకునే వారం, మనో చిరంజీవి గారికి పాడిన కొన్ని పాటలు చెప్తనే కాని తెలియదు, అవునా నిజంగా బాలు అనుకున్నా! భలే పాడాడు మనో అనేవారం. అల్లా మనో పాడిన చిరు సాంగ్స్ లో  జివ్వుమని కొండగాలి ఒకటి.

దాసరి వారు తన 100వ చిత్రం చిరు తో కలిసి చేసారు అదే లంకేశ్వరుడు, రాజ్ కోటి సంగీతం, సంగీత పరంగా హిట్ అయినా కమర్షియల్ గా పెద్దగా హిట్ కాలేదు. స్వతహాగా రచయత అయిన దాసరివారు ఈ చిత్రంలోని అన్ని పాటలు ఆయినే రాసారు.

దాల్ సరస్సు అందాలు బాగా చూపించారు.

జివ్వు మని కొండ గాలి కత్తిలా గుచ్చుతోంది
వెచ్చని కోరిక రగిలిందిలే
నీవే నా ప్రేయసివే
నీకేలే అందుకో ప్రేమ గీతం

కస్సుమని పిల్లగాలి నిప్పులా అంటుతోంది
తీయని కానుక దొరికిందిలే
నీవే నా ప్రేమవులే
నీకేలే అందుకో ప్రేమ గీతం

ఓంపుల్లో సొంపుల్లో అందముంది
కసి చూపుల్లో ఉపుల్లొ పందేముంది
కాష్మీర కొండల్లో అందాలకే కొత్త అందాలు ఇచ్చావో
కాష్మీర వాగ్గుల్లో పరుగులకే కొత్త అడుగులనే నేర్పావో
నేనే నిను కోరి చేరి వాలి పోవాలి

మంచల్లె కరగాలి మురిపాలు
సెలయేరల్లే ఉరకాలి యవ్వనాలు
కొమ్మల్లో పూలన్నీ పానుపుగా
మన ముందుంచే పూలగాలి
పూవుల్లో దాగున్న అందాలనే
మన ముందుంచే గంధాలుగా
నేనే నిను కోరి చేరి వాలిపోవాలి

https://www.youtube.com/watch?v=RzdyiAQPSxo

karigi poyaanu karpooraveenalaa

మిత్రులకి శుభోదయం

చిరంజీవి గారి హిట్స్ వరసలో నాకు నచ్చిన మరో పాట, మరణ మృదంగం చిత్రంలోని కరిగిపోయాను కర్పూరావీణలా, రాజాగారి సంగీతం, వేటూరి వారి సాహిత్యం. ఇక్కడ ఒక గొప్ప కాంబినేషన్ గురించి చెప్పాలి, చిరంజీవి-A  కోదండరామిరెడ్డి, వీరువూరు కలిసి 23 సినిమాలు చేసారంట ఆల్మోస్ట్ అన్ని హిట్సే. ఖైది తో మొదలైన వీరి కాంబినేషన్, దొంగ, కొండవీటి దొంగ, రాక్షసుడు, విజేత, అభిలాష ఇలా అన్ని సూపర్ డూపూర్ హిట్స్.

ఈ పాట సాహిత్య పరంగా గొప్ప పాట కాకపోయినా మెలోడియస్ గా బాగుంటుంది.

కరిగి పోయాను కర్పూరవీణలా
కలిసిపోయాను నీ వంశధారలా
నా గుట్టు జారిపోతున్నా నీ పట్టు చిక్కిపోతున్నా
నీ తీగ వణికి పోతున్నా రాగాలు దోచుకుంటున్నా
కురిసిపోయింది ఓ సందె వెన్నెలా
కలిసిపోయాక ఈ రెండు కన్నులా

మనసు పడిన కధ తెలుసుగా ప్రేమిస్తున్నా తొలిగా
పడుచు తపనలివి తెలుసుగా మన్నిస్తున్నా చెలిగా
ఏ ఆశలో ఒకే ధ్యాసగా ఏ ఊసులో ఇలా బాసగా
అనురాగాలనే బంధాలనే పండించుకోమని తపించగా

అసలు మతులు చెడి జంటగా ఎమౌవుతామో తెలుసా
జతలు కలిసి మనమొంటిగా ఏమైనా సరి గ రిసా
ఏ కోరికో శ్రుతే మించగా ఈ ప్రేమలో ఇలా ఉంచగా
అధరాలెందుకో అందాలలో నీ ప్రేమలేఖలే లిఖించగా

https://www.youtube.com/watch?v=7eV-U0YHbiU

avuraa ammaku chella

మిత్రులకి స్వాతంత్ర దినోత్సవ శుభాకాంక్షలు

నేను చెప్పినట్టే చిరంజీవి గారి పాటలు వరసలో ఈరోజు విశ్వనాధ్ గారి దృశ్య కావ్యం ఆపద్భాంధవుడు నుంచి

ఔరా అమ్మక చల్లా పాట.

కీరవాణి గారు మొదటిసారి విశ్వనాధ్ గారితో పనిచేసారు. సీతారామశాస్త్రి గారు రాసిన ఈ కృష్ణ గీతం అంటే నాకు పరమప్రీతి. 20సంవత్సరాల క్రితం అనుకుంటా శాస్త్రి గారితో కలిసి సింహాచలం సింహాద్రినాధుని దర్శించుకుని, ఆలయ ప్రాంగణంలో వారిచేత ఈ పాట పాడించుకున్నము, కేవలం ఈ రెండు చరణాలే కాకుండా వారి యుక్తవయస్సులో రాసుకున్న మిగతా చరణాలు కూడా వినే భాగ్యం కలిగింది.

తెలుగు చలనచిత్రానికి కొత్త నడవడిక నేర్పిన చిరంజీవి కేవలం పోరాటాలు, నృత్యాలేకాదు!  తను అధ్బుతమైన నటనని, వాయిస్ modulation కూడా ఇవ్వగలడు అని నిరూపించిన చిత్రం. మీనాక్షి అందం అభినయం మరిచిపోలేను. మంచి శాస్త్రీయ నృత్యం తెలిసిన నర్తకీమణి కావడం పాత్రలో ఆమెను తప్ప వేరే ఎవరిని ఊహించుకోలేకుండా చేసారు.

ఔరా అమ్మక చల్లా ఆలకించి నమ్మడవెల్లాఔరా అమ్మక చల్లా ఆలకించి నమ్మడవెల్లా
అంత వింత గాధల్లో ఆనందలాలా
ఔరా అమ్మక చల్లా ఆలకించి నమ్మడవెల్లా
అంత వింత గాధల్లో ఆనందలాలా
బాపురే బ్రహ్మకు చల్లా వైనమంత వల్లిచవల్లా
రేపల్లె వాడల్లో ఆనందలీల
అయినవాడే అందరికీ అయినా అందడు ఎవరికీ
అయినవాడే అందరికీ అయినా అందడు ఎవరికీ
బాలుడా గోపాలుడా లోకాలపాలుడా
తెలిసేది ఎలా ఎలా చాంగుబళా తెలిసేది ఎలా ఎలా చాంగుబళా

నల్ల రాతి కండలతో కరుకైనవాడే
వెన్నముద్ద గుండెలతో కరుణించుతోడె
నల్ల రాతి కండలతో కరుకైనవాడే ఆనందలాలా
వెన్నముద్ద గుండెలతో కరుణించుతోడె ఆనందలీలా
ఆయుధాలు పట్టను అంటూ బావబండి తోలి పెట్టే ఆనందలాలా
జాణ జాన పదాలతో జ్ఞాన గీతి పలుకునటే ఆనందలీలా

ఆల మంద కాపరిలా కనిపించలేదా ఆనందలాలా
ఆలమందు కాలుడిలా అనిపించుకాదా ఆనందలీల
వేలితో కొండనుఎత్తే కొండంత వేలు పట్టే ఆనందలాలా  
తులసీ దళానికే తేలిపోయి తూగునటే ఆనందలీల
బాలుడా గోపాలుడా లోకాలపాలుడా తెలిసేది ఎలా ఎలా చాంగుబళా

https://www.youtube.com/watch?v=SMclX5HG960

subhalekhaa raasukunnaa

మిత్రులకి శుభోదయం

మరో వారం రోజులలో మెగాస్టార్ చిరు పుట్టిన రోజు, ఆల్మోస్ట్ నాలుగు నెలలు దాటింది ఈ పేజి స్టార్ట్ చేసి చిరు సాంగ్స్ తక్కువే మిత్రులకి గుర్తు చేసా, కారణం అయిన పుట్టినరోజు ముందు అన్నీ చిరు సాంగ్స్ మీకు గుర్తుచేయాలనే ఉద్దేశంతో.

నిన్న JVALS నుంచి అబ్బని తీయని నుంచి ప్రారంభమై, నేడు కొండవీటి దొంగ లోని శుభలేఖ రాసుకున్న, రేపు ఇంకొక సూపర్ సాంగ్.

బాలు చిత్రాలతో పాడించిన రాజా గారి సూపర్ సాంగ్ ని  వేటూరి వారు రచించారు.

రెండో చరణం ముందు ఇంటర్ లోడ్, స్టార్టింగ్ లో మెటల్ wow #IR జిందాబాద్.

పండిత పుత్రుడు పరమ సుంఠ అని నాకు వర్తించినట్టే పాపం నాపేరే పెట్టుకున్నందుకు చిరంజీవి గారి అబ్బాయికి కూడా వర్తిస్తుంది అని అనిపిస్తోంది, ఈ పాటని మెగా పవర్ స్టార్ కూడా చేసారు, ఏం లాభం వాళ్ళ నాన్నలా చెయ్యలేదని అందరు మూతి తిప్పారు.

ఎంజాయ్ బ్యూటిఫుల్ రాధా అండ్ చిరు డాన్స్,

శుభలేఖ రాసుకున్నా ఎదలో ఎపుడో
అది నీకు పంపుకున్నా అపుడే కలలో
పుష్యమి పూవులా పూజ చేస్తా బుగ్గన చుక్కలతో
ఒత్తిడి వలపుల గంధమిస్తా పక్కలలో

శుభలేఖ అందుకున్నా కలయో నిజమో
తోలి ముద్దు జాబు రాసా చెలికే ఎపుడో
శారద మల్లెల పూల జల్లే వెన్నెల నవ్వులలో
శ్రావణ సంధ్యను రంగరిస్తా కన్నులతో

చైత్ర మాసమొచ్చెనేమొ చిత్రమైన ప్రేమకి
కోయిలమ్మ కూసెనేమొ గొంతునిచ్చి కొమ్మకి
మత్తుగాలి వీచెనేమొ మాయదారి చూపుకి
మల్లెమబ్బులాడెనేమొ బాల నీలవేణికి
మెచ్చి మెచ్చి చూడసాగే గుచ్చే కన్నులు
గుచ్చి గుచ్చి కౌగిలించే నచ్చే వన్నెలు
అంతేలే కధంతేలే అదంతేలే

హంసలేఖ పంపలేక హింసపడ్డ ప్రేమకి
ప్రేమలేఖ రాసుకున్న పెదవి రాని మాటకు
రాధా లాగ మూగబోయ పొన్న చెట్టు నీడలో
వేసవల్లె వేచి ఉన్న వేగు పూల తోటలో
వాలు చూపు మోసుకొచ్చే ఎన్నో వార్తలు
వొళ్ళో దాటి వెళ్ళసాగే ఎన్నో వాంచలు
అంతేలే కధంతేలే అదంతేలే

https://www.youtube.com/watch?v=uV0oATnRGhQ

ompula vaikhari

మిత్రులకి వందనం

వంశీ  గారి చిత్రాలంటే నాకు భలే ఇష్టం, దానికి రెండు కారణాలు వారి చిత్రాలలో కధలో కొత్తదనం, వారి చిత్రాలకి ఎక్కువగా రాజా గారి సంగీతం. almost అన్నీ నా ఫేవరేట్ మూవీసే, చిరంజీవి గారి మంచుపల్లకి తో ప్రారంభించి, సితార, అన్వేషణ, ఆలాపన, లేడీస్ టైలర్, శ్రీ కనకమహాలక్ష్మి రికార్డింగ్ డాన్సు ట్రూప్, మహర్షి, చెట్టు కింద ప్లీడర్, డిటెక్టివ్ నారద, జోకర్, ఏప్రిల్ ఒకటి విడుదల లాంటి ఎన్నో చిత్రాలు చేసారు, డైరెక్టర్ గానే కాకుండా సంగీత దర్శకుడిగా,  జోకర్, కన్నయ్య కిట్టయ్య, నీకు 16 నాకు 18, ప్రేమ అండ్ కో, లింగబాబు లవ్ స్టొరీ చిత్రాలు చేసారు. వారికి సంగీతం మీద ఉన్న అభినివేశం వలన వారి అన్ని చిత్రాల్లోనూ సంగీతం ప్రధాన ఆకర్షణ.

ఏప్రిల్ ఒకటి విడుదల చిత్రం లోని అన్ని పాటలు సూపర్ హిట్, ఒంపుల వైఖరి, చుక్కలు తెమ్మన్న ఈ రెండు పాటలు నాకు బాగా ఇష్టమైన పాటలు. ఈ రోజు మీకోసం బాలు చిత్ర లు పాడిన, శాస్త్రి గారి రచనలో వచ్చిన ఒంపుల వైఖరి మీకోసం.

సీతారామ శాస్త్రి గారి కలం ఎన్నో ఒంపు సొంపులు తిరిగింది, చెప్పాలంటే వారి జర్నల్ కాని పాటలా ఉంటుంది, చెప్పకపోతే వేటూరి వారిది అనుకోవచ్చు, ఎందుకంటే మోవిని మగతావిని లాంటి ప్రయోగం శాస్త్రి గారి రచనలో వినపడవు, కవి అంటే అన్ని రకాలుగా రాయాలి కదా అందునా శాస్త్రి గారికి కలానికి రెండు పాళీలు, ఇందుమతి చారు మతి అనికూడా అన్నారుకదా వారు.   



ఒంపుల వైఖరి సొంపుల వాకిలి ఇంపుగ చూపవే వయ్యారి
వెల్లువ మాదిరి అల్లరి ఆకలి ఎందుకు పోకిరి చాలుమరి
మొవిని మగతావిని ముడి వేయనీయవా
కాదని అలలేనని  గడియైన ఆగవా
అదుపు పొదుపులేని ఆనందం కావాలి
హద్దు పొద్దులేని ఆరాటం ఆపాలి


కాంక్షలో  కైపు నిప్పు ఎంతగా కాల్చినా
తీక్షగా ఓర్చుకున్న మొక్షమే ఉండదా
శ్వాసలో మొహదాహం గ్రీష్మమై  వీచగా
వాంచతొ వేగు దేహం పరయాగ వాటిక
కాలమే కాలిపోయే ఆజ్యమే పోయవా
మౌనమే గానమయ్యే మూర్తమే  చూడవా


నిష్ఠగా నిన్ను కోరీ నీమమే  దాటినా
కష్టమే సేదతీరే నేస్తమే ఓచనా
నిగ్రహం నీరుగారి జ్వాలలో  నింపినా
నేర్పుగా ఈది చేరి నిశ్చయం బెట్టనా
సోయగం స్వంతమయ్యే స్వర్గమై చేరవా
మధనమే అంతమయ్యే  అమృతం అందుకో

https://www.youtube.com/watch?v=5xyyhECcC1k

శ్రీమంతుడు "మరో రుద్రవీణ "

"దేశ ఆర్థిక ప్రగతికి పల్లెలు పట్టుకొమ్మలు" ఇది ట్యాగ్ లైన్ పెట్టి ఉంటే బాగుండేది. గాంధీ గారి మాటలు కొరటాల గారికి గుర్తొచ్చి కధ రాసారనుకుంటా. 

దేశానికి పల్లెలు జీవధారా సదృశాలు. 
దేశ ఆర్థిక ప్రగతికి పల్లెలు పట్టుకొమ్మలు. 
దేశ సౌభాగ్యానికి, సౌభ్రాతృత్వానికి, సహజీవనానికి పల్లెలు కాణాచులు, ఆదర్శాలు, 
రైతు దేశానికి వెన్నెముక వంటి వాడని మహనీయులు పేర్కొన్న మాటలు అక్షర సత్యాలు. అదే ఈ చిత్రానికి మూలాధారం. 

రివ్యూ రాసే అంత ఎత్తుకి నేను ఎదగలేదు కాని, మంచి చూసినప్పుడు నలుగురికి తెలియచేయాలనే సంకల్పంతో రాస్తున్నా. 

రివ్యూ రాసే ప్రతివారు సినిమా ప్లుస్లూ, మైనస్లు అని రాస్తారు, కాని నేను అలాకాకుండా ఏది సమాజానికి అవసరమో ఏది సమాజానికి అవసరంలేదో రాద్దాం అనుకుంటున్నా. 

ఈ సినిమా, మనకి ప్రస్తుత పరిస్థుతులను బట్టి చాలా అవసరం, అవసరం లేనిది ఏదైనా ఉంది అంటే అది కామిడి లేదు, వెకిలి వేషాలు లేవు, హీరోయిన్ ఎక్ష్పొజింగ్ లేదు  వాటి గురించి రాయక్కరలేదు మనం చూడక్కరలేదు. 

కొరటాల శివ ఈ కధ మహేష్ బాబు లాంటి వారికి చెప్పి ఒప్పించడం తోనే కొంతవరకు విజయాన్ని సాధించినంటే, మహేష్ ని చూస్తే తెలుగు అమీర్ ఖాన్ అనాలనిపిస్తోంది, perfectionist గా మారుతున్నాడు, కాని కొంత వరకు తను వాడే భాష (diction) లో మార్పు అవసరం, కధలో వైవిద్యం ఉన్నట్టే నటనలో కూడా చూపాలి, లేందంటే ప్రవర్తన, నడకా, నటనా, భాషా, తీరు ఒక్కలా కనిపిస్తే బోర్ కొట్టే అవకాశం ఉంటుంది. 

సినిమా కధకి ఆయువు పట్టైన హీరోయిన్ తన స్నేహితురాలితో చెప్పే మాట "రెండవసారి పిల్లలని కనొద్దు ఎవరినైనా పెంచుకోండి, ఎంతోమంది తల్లి తండ్రులు లేని వాళ్ళు ఉన్నారు" అంటుంది, నన్ను ఎంతగానో కదిలించింది, హీరోగారిని కూడా, దత్తత తీసుకోవడం ఒకళ్ళనొ ఇద్దరినో కాదు ఊరు ఊరుంతా దత్తత తీసుకుంటా అంటూ inspire అవుతాడు, సచిన్ టెండూల్కర్ లా. 

6వతేదీ రాత్రి మాతో పనిచేసే ఒక స్నేహితుడికి రాత్రి డ్యూటీ అయినతరువాత ఇంటికి వెళుతుంటే, పిల్ల ఏడుపు వినిపించి వెతకగా చెత్తకుప్ప లో ఒక ఆడ శిశువు దొరికింది (ఇది సినిమా స్టొరీ కాదు నిజం) గాంధీ హాస్పిటల్ దగ్గర, ఆ పిల్లకి  నిలోఫేర్ హాస్పిటల్లో ట్రీట్మెంట్ జరుగుతోంది, ఇలా ఎన్నో జరుగుతున్నాయి, effort చెయ్యలేని వాళ్ళు పిల్లలని కని పారైడం, effort చెయ్యగలిగిన వారికి పిల్లలు లేకుండా, ఇదంతా దేవుడి లీలా అనుకోకుండా సమాజానికి ఈ పిల్లలు వారి భవష్యత్తు అవసరం అనుకోని సహాయం చెయ్యమని చెపుతోంది ఈ చిత్రం. 

మూస సినిమాలలా  కాకుండా ఆలోచన రేకెత్తించే కధతో చేసిన ఈ చిత్ర దర్శకుడిని మరోసారి అభినందించకుండా ఉండలేకపోతున్నా.  త్రివిక్రమ్, శ్రీకాంత్ అడ్డాలా ఇప్పుడు కొరటాల శివ ఈతరంలో మరో బాలచందర్ లా కనిపిస్తున్నారు నాకు. 

రేటింగ్ ఇవ్వదలచుకోలేదు. 

సకుటుంబంగా చూడదగ్గ చిత్రం, ఇంకేం కావాలి. 

  

chitti gumma padave

మిత్రులకి వందనం

అర్ధాంతరంగా మనల్ని విడిచి వెళ్ళిపోయినా దివ్య భారతి, కేవలం 3-4 సంవత్సరాలలో తెలుగు తమిళ్ హిందీ భాషలలో పలు చిత్రాలు చేసి, మంచి హిట్స్ కొట్టారు, ఆరోజులలో ఆమె ఫొటోస్ నోట్ బుక్స్ లో పెట్టుకున్నెంత ఇష్టం నాకు, ఇప్పటికి తనుచేసిన బొబ్బిలి రాజా, ధర్మక్షేత్రం, అసంబ్లీరౌడి, రౌడి అల్లుడు, తొలిముద్దు లాంటి తెలుగు చిత్రాలు, షోలా ఔర్ శబ్నం, దీవానా, విశ్వాత్మా లాంటి చిత్రాలు చూస్తూ ఉంటా. ఒక్క 1992 లోనే తెలుగు లో రెండు చిత్రాలు హిందీ లో పది చిత్రాలు వెరసి 12 చిత్రాలు చెయ్యడం అంటే ఊహించండి ఎంత పాపులారిటీ వచ్చిందో తనకి ఆరోజులలో.  తొలిముద్దు చేసే రోజుల్లో ఆమె మరణిస్తే రంభని పెట్టి చిత్రం పూర్తి చేసారంట. ఈ రోజు ఆ చిత్రంలోని నాకు బాగా ఇష్టమైన చిట్టి గుమ్మ పదవే పాట మీకోసం, బువనచంద్ర గారి సాహిత్యం, మాస్ట్రో ఇళయరాజా సూపర్ మ్యూజిక్ వెరసి నా ఆల్ టైం ఫేవరేట్.

రెండవ చరణం ముందు వచ్చే ఇంటర్ లోడ్ లో మురళీ గానం వినండి!
"రాజా గారు గాడ్ బ్లెస్ యు."


చిట్టి గుమ్మ పదవే రెండు రెక్కలు కట్టుకుందాం
వెండి మబ్బు ఒడిలో ముద్దు ముచ్చటలాడుకుందాం
చిరు గాలై కొండా కోనల్లోన తేలి చిరునవ్వై పూల గుండెల్లోన దాగాలి


కడలి అంచుల్లో జలకాలాడి అల లా అంతూ పొంతూ చూసొద్దామా
యమహో ముందో ముద్దు లాగిద్దామా
తొణికే వెన్నెల్లో సరసాలాడే వయసు హద్దు పొద్దు తెలుద్దామా
త్వరగా అస్సు బుస్సు కానిద్దామా
తరగని మొహాలే వేసాయే వలలో తడి తడి వంపులలో పిల్లోడా
అరగని అందాలే పొంగాయి సడిలో పెదవుల తాంబూలం అందీవే
తనువిచ్చెయ్ మంటోంది మనసొద్దొదంటోంది
ఇక సిగ్గేమంటూ కొమ్మా రెమ్మా ఊగాడింది

చలిలో చిన్నారి వయ్యారాలే  కసి గా గుచ్చి గుచ్చి ఊరిస్తుంటే
ఉసిగా తట్టి తట్టి వేదిస్తుంటే
వలపుల కౌగిళ్ళా నజరానాలే  రతిలా మళ్ళి మళ్ళి అందిస్తుంటే
మరుడే వొళ్ళోకొచ్చి కవ్విస్తుంటే
తెలియని ఆవేశం రేగిందే మదిలో తలుపులు తీవేమే బుల్లెమ్మా
పరువపు ఆరాటం తీరాలి జడిలో తకదిమి సాగించెయి బుల్లోడా
ఇహ  అడ్డేముందంమ్మొ  మలి ముద్దిచ్చేయ్  వమ్మొ 
మెరుపల్లే బాణం సందించెయ్  వీరా ధీరా

https://www.youtube.com/watch?v=O1AmEm6Yl1o

ninu choodaka nenunda lenu

మిత్రులకి వందనం

భారతదేశ చలచిత్ర చరిత్రలో వేళ్ళమీద లెక్కపెట్టే గొప్ప సంగీత దర్శకులలో ఓపి నయ్యర్ ఒకరు.  రోషన్, మదన్మోహన్, ఓపి నయ్యర్, SD బర్మన్, ఇళయరాజా, ఆదినారాయణరావు, సుసర్ల దక్షణామూర్తి, M S విశ్వనాథన్, మహదేవన్, ఘంటసాల గారు  ఇలా నాకు బాగా ఇష్టమైన సంగీత దర్శకుల లిస్టు. మిగతా వారంటే ఇష్టం లేదు అని కాదు, రాముడు మంచి బాలుడు అంటే లక్ష్మనుడొ, భరతుడొ చెడ్డవారు అనికాదుకదా. మంచి సంగీతం ఎవరిచ్చినా ఆనందిస్తాం.

నాకు తెలిసి ఓపి గారు నీరాజనం ఒకటే తెలుగులో చేసారు. వేరే ఏవైనా చిత్రాలు ఉంటే మిత్రులు తెలియ చేయగలరు. భారతదేశం మొత్తం సగర్వంగా మా గానకోకిల అని చెప్పుకునే లతా మంగేష్కర్ చేత ఒకే ఒక్క పాట ఓపి పాడించారనే విషయం నన్ను ఆశ్చర్యానికి గురిచేసింది, అదికూడా ఎప్పుడో 1956లో ఆమె రోషన - ఫారుఖ్ ల సంగీత సారధ్యంలో పాడిన పాటని తిరిగి 1970లో టాక్సీ డ్రైవెర్ లో తిరిగి ఆమె చేతే పాడించవలసి వచ్చిందంట.

నీరాజనం లో అన్ని పాటలు చాలా బాగుంటాయి, ఘల్లు ఘల్లునా, మనసొక మధుకలశం, ఊహల ఊయలలో, నినుచూడక నేనుండలేను. ఇలా అన్ని సూపర్ సూపర్.

మిత్రులు గమనించండి బాలు గారి గొంతు రెగ్యులర్ గా తను పాడే తెలుగు  పాటలలా  కాకుండా సాజన్, మైనే ప్యార్ కియా లాంటి హిందీ చిత్రాలలోని ఆయినా గొంతులా ఉంటుంది. జానకి గారితో కలిసి పాడిన నినుచూడక నేనుండలేను పాటని నారాయణరెడ్డి గారు రచించారు.

ఒక ఖవ్వాలి లా, ఒక ఘజల్లా ఎంత బాగుంటుందండి ఈ పాట, మై అల్ టైం ఫేవరేట్.

నిను చూడక నేనుండలేను
నిను చూడక నేనుండలేను
ఈ జన్మలో మరి ఆ జన్మలో
ఈ జన్మలో మరి ఆ జన్మలో
ఇక యే జన్మకైన ఇలాగే

యే హరివిల్లు విరబూసినా
నీ దరహాసమనుకొంటినీ
యే చిరుగాలి కదలాడినా
నీ చరణాల శృతి వింటినీ
నీ ప్రతి రాకలో ఎన్ని శశి రేఖలో
నీ ప్రతి రాకలో ఎన్ని శశి రేఖలో

నీ జత కూడి నడయాడగా
జగమూగింది సెలయేరుగా
ఒక క్షణమైన నిను వీడినా
మది తొణికింది కన్నీరుగా
మన ప్రతి సంగమం ఎంత హృదయంగమం
మన ప్రతి సంగమం ఎంత హృదయంగమం

https://www.youtube.com/watch?v=dpbqVITS6Ng

abhinandana mandaara maalaa

మిత్రులకి వందనం

ర"సాలురు" రాజేశ్వరరావు గారంటే మనకి అమితమైన ప్రేమ, వారు చేసిన పాటలు ఆణిముత్యాలు, తాండ్రపాపారాయుడు చిత్రానికి కూడా వారే సంగీతం అందించారు, కృష్ణంరాజు గారే నిర్మించిన ఈ చిత్రానికి దాసరివారు దర్శకత్వం వహించగా, జేసుదాసు గారు సుశీలమ్మ పాడిన ఈ గీతాన్ని నారాయణరెడ్డి గారి కలం నుంచి జాలువారింది.

వీడియో ట్రై చేసా దొరకలేదు, అందుకే నేనే ఏదో వీడియో చేసి పెడుతున్నా, మిత్రులు  ఎవరికైనా దొరికితే పెట్టగలరు,


అభినందన మందారమాల... (3)
అధినాయక స్వాగతవేళ...
అభినందన మందారమాల
స్త్రీ జాతికీ ఏనాటికీ స్మరణీయ మహనీయ వీరాగ్రణికి
అభినందన మందారమాల...
అధినాయక స్వాగతవేళ...
అభినందన మందారమాల

వేయి వేణువులు నిన్నే పిలువగ
నీ పిలుపు నావైపు పయనించెనా॥
వెన్నెల కన్నెలు నిన్నే చూడగా (2)
నీ చూపు నా రూపు వరియించెనా
నీ చూపు నా రూపు వరియించెనా
నా గుండెపై నీవుండగా...
దివి తానే భువిపైన దిగివచ్చెనా
అభినందన మందారమాల...
అలివేణీ స్వాగతవేళ...
అభినందన మందారమాల
సౌందర్యమూ సౌశీల్యమూ నిలువెల్ల
నెలకొన్న కలభాషిణికి
అభినందన మందారమాల

వెండి కొండపై వెలసిన దేవర
నెలవంక మెరిసింది నీ కరుణలో॥
సగము మేనిలో ఒదిగిన దేవత (2)
నునుసిగ్గు తొణికింది నీ తనువులో
నునుసిగ్గు తొణికింది నీ తనువులో
ప్రియ భావమే లయరూపమై
అలలెక్కి ఆడింది అణువణువులో
అభినందన మందారమాల
ఉభయాత్మల సంగమ వేళ
అభినందన మందారమాల

https://www.youtube.com/watch?v=gJdzh8WJ75g

jeevana vaahini...

మిత్రులకి శుభోదయం

షట్చక్రవర్తులలో ఒకరైన సూర్యవంశానికి చెందిన సగరునికి ఆయిన భార్య వైదర్భి కి కలిగిన వారు  60వేల మంది కుమారులు, వారి తప్పిదానికి  కపిల మహర్షి వారిని భస్మం చేసారు, సగరుడి రెండవ భార్య శైబ్య కుమారుడైన అంశుమన్ ప్రయత్నం విఫలమవగా ఆయిన మనుమడు భగీరధుడు చేసిన తపస్సు వలన దివినుంచి భువికి గంగ వచ్చిందనే పురాణ కధ మనకు తెలిసిందే, భగిరధ ప్రయత్నం అనే తెలుగు వాచకం లోని కధ కూడా కొందరు మిత్రులు చదివే ఉంటారు, గంగావతరణం గురించి ఎందరో కవులు రాసారు, సీతారామశాస్త్రి గారి గంగావతరణం అయితే గంగ ఎంత వేగంగా పరుగులిడుతుందో అంతే వే"గంగా" వారి సాహిత్య వాహిని ఉంటుంది.

వేటురివారు, KR గారి గంగోత్రి చిత్రం కోసం గంగమ్మ మీద చక్కటి పాట రాసారు, మంచి సంగీత దర్శకుడే కాదు, మంచి గాయకుడైన శ్రీ MM కీరవాణి ఆలపించిన ఈ గంగమ్మ మీద పాట చూడండి.

ఈ పాట విన్నప్పుడల్లా ఒక్కసారి ఆ దేవభూమికి వెళ్ళి పోతుంది నా మనసు, బద్రీనాధ యాత్ర గుర్తుకొస్తుంది, జల జల పారే చల్లటి ఆ అలకనంద అందాలు గుర్తుకొస్తాయి.

రెండవ చరణం చూడండి కవి హృదయం ఎంత గొప్పదో, సాయమునకి వెనకాడవద్దని గంగకి చెప్పమనడం అది వేటురివారికే చెల్లింది.

ఓం ఓం

జీవన వాహిని ... పావని

కలియుగమున కల్పతరువు నీడ నీవని

కనులు తుడుచు కామధేను తోడు నీవని

వరములిచ్చి భయము తీర్చి శుభము కూర్చు గంగాదేవి

నిను కొలిచిన చాలునమ్మ సకల లోకపావని

భువిని తడిపి దివిగ మలచి సుడులు తిరుగు శుభగాత్రి గంగోత్రి

గలగలగల గంగోత్రి హిమగిరిదరిహరిపుత్రి

మంచు కొండలో ఒక కొండవాగులా ఇల జననమొందిన విరజాహిని

విష్ణుచరణమే తన పుట్టినిల్లుగా శివగిరికి చేరిన సురగంగ నీవని

అత్తింటికి సిరులనొసగు  అలకనందమై

సగర కులము కాపాడిన భాగీరధివై

బదరీవన హృషీకేశ హరిద్వార ప్రయాగముల మణికర్ణిక తనలోపల వెలసిన శ్రీవారణాసి గంగోత్రి

గలగలగల గంగోత్రి హిమగిరిదరిహరిపుత్రి

పసుపు కుంకుమతో పాలు పన్నీటితో 

శ్రీ గంధపు ధారతో పంచామృతాలతో 

అంగాగం తడుపుతూ దోషాలను కడుగుతూ 

గంగోత్రికి జరుపుతున్న అభ్యంగన స్నానం 

అమ్మా గంగమ్మా క్రిష్ణమ్మకు చెప్పమ్మా 

కష్టం కలిగించోద్దని 

యమునకు చెప్పమ్మా సాయమునకు వెనకాడొద్దని 

గోదారికి కావేరికి ఏటికి సెలయేటికి కురిసేటి జడివానకి 

దూకే జలపాతానికి నీ తోబుట్టువులందరికి 

చెప్పమ్మా మా గంగమ్మా..... 

జీవనదివిగా ఒక మోక్ష నిధివిగా పండ్లుపూలుపసుపుల పారాణి రాణిగా

శివుని జటలనే తన నాట్యజతులుగా జలకమాడు సతులకు సౌభాగ్యధాత్రిగా

గండాలను పాపాలను కడిగివేయగా ముక్తినదిని మూడుమునకలే చాలుగా

జలదీవెన తలకుపోసె జననీ గంగాభవాని ఆమె అండ మంచుకొండ వాడని సిగపూదండ గంగోత్రి

గలగలగల గంగోత్రి హిమగిరిదరిహరిపుత్రి

https://www.youtube.com/watch?v=AApGOCvVYlQ

https://www.youtube.com/watch?v=Y-Q8H-QhVm0

ettavoyi ee kela

మిత్రులకి వందనం

కొన్నిరోజుల క్రితం లలిత సంగీతం నుంచి వేదవతి ప్రభాకర్ గారి పాట మిత్రులకి గుర్తుచేసా, లలిత సంగీతంలో చిత్తరంజన్ గారు ఎంతో కృషి చేసారు, ఎన్నో మంచి పాటలు చేసారు, వారి చెల్లిగారు శాంతాచారి గారిచేత పాడించిన బోయిభీమన్న గారి ఏ గాలి వడి రాలి పాట చూద్దాం ఈ రోజు.

సూపర్ సింగర్ 8 లో నిఖత అనే అమ్మాయి ఈపాట కీరవాణి చిత్రాల ముంది పాడినప్పుడు విన్నా, ఒరిజినల్ రికార్డు (నేను కూడా పాత కాలం వాళ్ళలా రికార్డు అనే పదం వాడుతున్నా) ప్రయత్నించగా  దొరికింది.

బోయి భీమన్న గారంటే కేవలం దళిత సాహిత్యం అనుకుంటారు, ఎంత గొప్పగా రాసారో, అచ్చతెనుగు పదాల అల్లిక ఎంత బావుందో.

specially  this song for @choodaamani , @sailajavissamsetti, @indirapriyanka @TPraghavachari @stpsrikanth @bhagyasree


ఏ గాలి వడి రాలి
ఏ ధూళి దోగినదో
ఏ కబరి ముడి సడలి ఏ దారి జారినదో

ఎత్తవోయీకేల ఈ బేల సుమబాల

ఏ రమణి మకుట లీలా మంజరీ చ్యుతము
ఏయసంకృత కుంతలా యదాతధ కృతము
ఎత్తవోయీకేల ఈ బేల సుమబాల

మధుమాస మాధురులు  మాసి పోయే దారి
ఆదుకున్నా ఎదకు ఆనందమిడు నోయి
ఎత్తవోయీకేల ఈ బేల సుమబాల

https://www.youtube.com/watch?v=ICI0ibIARkM


https://www.facebook.com/hymavathi.kothuri/videos/vb.100004201384535/398903966926313/?type=3&permPage=1

https://www.youtube.com/watch?v=VJNr7sI00Xw