doboochulaatelaraa

మిత్రులకి వందనం

రెహమాన్ పాటలు హిట్ కావడానికి కారణం తను వాడే రాగాలంటా, ఎవ్వరు వాడని రాగాలు మనకి వినిపిస్తారు అవి భలే ఉంటాయి, కండుకొండేన్ కండుకొండేన్ అనే తమిళ్ చిత్రం తెలుగులో ప్రియురాలు పిలిచింది అని డబ్బింగ్ చేసారు, అందులో దోబూచులాటేలరా అనే పాట నాట్టై కురింజి అనే రాగంలో చేసారు.  అలాగే ఇద్దరు చిత్రం లో శశి వదనే పాట కూడా అదే రాగం లో చేసారు, చరణాలలో గంభీరానాటా, మాండు రాగం కూడా వినిపిస్తాయి.   ఈ రాగంలో తెలుగులో వేరే ఏమైనా పాటలు ఉంటే పెద్దలు చెప్పగలరు. 

చిత్రమ్మ పాడిన ఈ పాట నిర్మాత A M  రత్నం, శివ గణేష్ కలిసి రాసారు,


దోబూచులాటేలరా.. గోపాల మనసంత నీవేనురా... 
దోబూచులాటేలరా గోపాల నా మనసంత నీవేనురా 
ఆ ఏటి గట్టునేనడిగా చిరు గాలి నాపి నే నడిగా 
ఆకాశాన్నడిగా బదులే లేదు 
చివరికి నిన్నే చూసా హృదయపు గుడిలో చూసా


నా మది నీకొక ఆటాడు బొమ్మయ.. 
నాకిక ఆశలు వేరేవి లేవయ ఎదలో రొదఆగదయా 
నీ అధరాలు అందించ రా.. గోపాల 
నీ కౌగిలిలో కరిగించరా నీ తనువే ఇక నా వలువా 
పాలకడలి నాడి నా గానం నీ వన్నె మారలేదేమి 
నా యెదలో చేరి వన్నె మార్చుకో ఊపిరి నీవై నే సాగ
పెదవుల మెరుపు నువు కాగ చేరగ రా... 


గగనమే వర్షించ గిరి నెత్తి కాచావు.. 
నయనాలు వర్షించ నన్నెట్లు బ్రోచేవు
పూవునకనే నీ మతమా నేనొక్క స్త్రీ నే కదా గోపాల
అది తిలకించ కనులే  లేవా నీ కలలే నే కాదా
అనుక్షణము ఉలికే నా మనసు అరె మూగ కాదు నా వయసు
నా ఊపిరిలోన ఊపిరి నీవై ప్రాణం పోనీకుండ ఎపుడూ నీవే అండ కాపాడరా

https://www.youtube.com/watch?v=erlSe69Skus

evaro okaru epudo apudu

మిత్రులకి వందనం

ఈ మద్య హంసలేఖ గారి ప్రస్తావనలో చెప్పా వారు చేసిన మంచి చిత్రాలలో అంకురం ఒకటి, ఈ చిత్రంలో ఎవరో ఒకరు ఎపుడో అపుడు నడవరా ముందుగా అటో ఇటో ఎటో వైపు పాట అంటే నాకు పరమ ప్రీతి, నా టీనేజి లో వచ్చిన ఈ చిత్రం నా అభిరుచి, నా ఆలోచనని మార్చింది అంటే అతిశయోక్తి కాదు, అందులోను సీతారామ శాస్త్రి గారి పాట అంటే మరీను.

ఉమమేశ్వరరావు గారు దర్శకత్వం వహించిన ఈ చిత్రానికి జాతీయ ఉత్తమ చిత్రం (తెలుగు) పురస్కారం పొందింది.

బాలు చిత్రా పాడిన ఈ పాటకి ఉత్తమ గీత రచనకి పురస్కారం రాలేదని బాధపడ్డా,

శాస్త్రి గారు చూడండి ఎంత గొప్పగా అంటారో, చెదరక పోదుగా చిక్కని చీకటి మిణుగురు రెక్క చాటు చిన్ని కాంతికి..దానికి లెక్క లేదు కాళరాతిరి.., మనం ప్రతి సారి, ప్రతి పనిలోనూ అనుకుంటాం నా ఒక్కడి వలన 

ఎమౌతుంది అని, ఉడుత అలా అనుకోలేదు అని రామాయణం చదివాక తెలుసుకున్నాం, చిన్నప్పుడు 

చదువుకున్న అభిషేకానికి రాజుగారు అడిగిన పాల కధ గుర్తొస్తుంది ఈ పాట విన్నాప్ప్పుడల్లా. 

ఎవరో ఒకరు... ఎపుడో అపుడు
ఎవరో ఒకరు... ఎపుడో అపుడు
నడవరా ముందుగా అటో ఇటో ఎటో వైపు
అటో ఇటో ఎటో వైపు......

మొదటి వాడు ఎప్పుడూ ఒక్కడే మరి
మొదటి అడుగు ఎప్పుడూ ఒంటరే మరి
వెనుక వచ్చు వాళ్ళకు బాట అయినది ..

ఎవరో ఒకరు... ఎపుడో అపుడు
నడవరా ముందుగా అటో ఇటో ఎటో వైపు
అటో ఇటో ఎటో వైపు......

కదలరు ఎవ్వరూ ...వేకువ వచ్చినా 
అనుకొని కోడి కూత నిదరపోదుగా.. 
జగతికి మేలుకొలుపు మానుకోదుగా..
మొదటి చినుకు సూటిగా దూకి రానిదే 
మబ్బు కొంగు చాటుగా ఒదిగి దాగితే.. 
వాన ధార రాదుగా నేల దారికి 
ప్రాణమంటు లేదుగా బ్రతకటానికి..

ఎవరో ఒకరు... ఎపుడో అపుడు
నడవరా ముందుగా అటో ఇటో ఎటో వైపు
అటో ఇటో ఎటో వైపు......

చెదరక పోదుగా చిక్కని చీకటి 
మిణుగురు రెక్క చాటు చిన్ని కాంతికి..
దానికి లెక్క లేదు కాళరాతిరి..
పెదవి ప్రమిద నిలపని నవ్వు జ్యోతిని 
రెప్ప వెనక ఆపని కంటి నీటిని
సాగలేక ఆగితే దారి తరుగునా? 
జాలి చూపి తీరమే దరికి చేరునా..?

ఎవరో ఒకరు... ఎపుడో అపుడు
నడవరా ముందుగా అటో ఇటో ఎటో వైపు
అటో ఇటో ఎటో వైపు......

యుగములు సాగిన... నింగిని తాకక 
ఎగసిన అలల ఆశ అలసిపోదుగా 
ఓటమి ఒప్పుకుంటూ ఆగిపోదుగా
ఎంత వేడి ఎండతో  ఒళ్ళు మండితే.. అంత వాడి ఆవిరై వెళ్ళి చేరదా
అంత గొప్ప సూర్యుడు కళ్ళు మూయడా?.. 
నల్ల మబ్బు కమ్మితే చల్లబారడా ..?

ఎవరో ఒకరు... ఎపుడో అపుడు
నడవరా ముందుగా అటో ఇటో ఎటో వైపు
అటో ఇటో ఎటో వైపు......

https://www.youtube.com/watch?v=i2A44XJH1EU

godaavari paiyedaa

మిత్రులకి వందనం

రవి శంకర్ శర్మ గారు 50s నుంచి 80s  వరకు హిందీలో మంచి చిత్రాలకి మ్యూజిక్ అందించారు, కొంత గ్యాప్ తరువాత మలయాళం లో కొన్ని చిత్రాలు చేసారు, మలయాళం లో పేరు మార్చుకొని బొంబాయి రవి గా కొనసాగారు, తెలుగులో కేవలం సరిగమలు అనే చిత్రం చేసారు, ఆయినే సంగీతం అందించడానికి కారణం ఆ చిత్రానికి మలయాళం మాతృక కావడమే.

అశ్వనిదత్ గారు నిర్మించిన ఈ చిత్రాన్ని క్రాంతి కుమార్ దర్శకత్వం వహించారు, వేటూరి వారి కలం ప్రతి పదంలోనూ కనిపిస్తుంది.

స్వరరాగ గంగా ప్రవాహమే, గోదావరి పైఎద రెండు నాకు నచ్చిన పాటలు. మన తెలుగమ్మాయి రంభని మరిచిపోలేం, తరువాత ఆ మాత్రం నటనకి ఆస్కారం ఉన్న పాత్రలు రాకపోవడం బాధాకరమే.

బాలు చిత్రా పాడిన ఈ పదహారణాల తెలుగు పాట మీకోసం


గోదావరిపై ఎద కృష్ణమ్మ నీ వాల్జడ
నిండారి తెలుగింటి అందాలే వెలిగించే 
నండూరి వారెంకిలా ఓ...
గోదావరి ఎన్నెలా నాదారిలో కాయగా
ఉప్పొంగే పరువాల ఉయ్యాల కెరటాల 
కిన్నెరసాని పాటలా ఓ...॥


సిగ్గల్లే పండెనులే సాయంత్రము
బుగ్గల్లో పండాలి తాంబూలము॥
ఎన్నెల్లె కోరుకునే ఏకాంతము
నన్నల్లుకోమంది వయ్యారము
కౌగిలిలో మేలుకొనే కానుకవో మేనకవో 
నా స్వప్న లోకాలలో
గోదావరి ఎన్నెలా నాదారిలో కాయగా

గువ్వమ్మ చేరుకునే శ్రీగోపురం
మువ్వమ్మ మురిసేటి మురళీపురం
కవ్వాలే కడవల్లో కదిలే క్షణం
కడలల్లే పొంగింది నా మానసం
పొన్నలలో పొగడలలో తుంటరివో తుమ్మెదవో 
నా బాహు బంధాలలో

https://www.youtube.com/watch?v=1vMaX9IoQSA

oka venuvu vinipinchenu

మిత్రులకి వందనం

చాలా రోజులయింది మిమ్ములని పలకరించి.

సింగర్ ఆనంద్ గురించి చాలా మందికి తెలియక పోవచ్చును, నేను గర్వంగా చెప్పుకుంటా అయిన గురించి కారణం విశాఖపట్నం వాస్తవ్యులు వారు కావడం. కారణాలయితే నాకు తెలియదు కాని అనుకున్నంత పేరు ప్రఖ్యాతలు రాలేదు వారికి

అయిన పాడిన ఒక వేణువు వినిపించెను పాట నాకు చాలా ఇష్టమైన పాట. అమెరికా అమ్మాయి చిత్రం, G  K వెంకటేష్  గారి సంగీతం, మైలవరపు గోపి అని మంచి కవి ఇయనకి తగినంత గుర్తింపు రాలేదు, వసంత కోకిల (కమల్ శ్రీదేవి) లోని కధగా కల్పనగా, కుంకుమ తిలకం లో ఆలనగా  లాలనగా, గృహప్రవేశం లో దారిచూపిన దేవతా ఇలాంటి ఎన్నో మంచి పాటలు రాసారు.

ఒక వేణువు వినిపించెను 

అనురాగ గీతిక 

ఒక రాధిక అందించెను 

నవరాగ మాలిక 

సిరివెన్నెల తెలబోయెను జవరాలి చూపులో (2) 

నవ మల్లిక చినబోయెను (2) 

చిరునవ్వు సొగసులో 

వలరాణియే అలివేణికి సిగపూలు తురిమెను (2) 

రే రాణియే నా రాణికి (2) 

పారాణి పూసెను 

ఏ నింగికి ప్రభవించెను నీలాల తారక(2) 

నా గుండెలో వెలిగించెను(2) 

సింగార దీపిక

https://www.youtube.com/watch?v=WgXvq_K-WCE&list=RDtSUwgYg9AB8&index=7

maamaa chandamaamaa

మిత్రులకి శుభోదయం

చలం గురించి కొంతమంది మిత్రులకి తెలియక పోవచ్చు, నటుడిగా, నిర్మాతగా మంచి పేరు తెచ్చుకున్నారు. ఆంద్ర దిలిప్ కుమార్ గా పిలుస్తారు. నిర్మాత గా సంబరాల రాంబాబు, మట్టిలో మాణిక్యం నిర్మించారు, మట్టిలో మాణిక్యం చిత్రానికి ఉత్తమ చిత్రం గా నేషనల్ అవార్డు కూడా వచ్చింది.

సంబరాల రాంబాబు చిత్రం లోని పాటలంటే నాకు చాలా ఇష్టం, v కుమార్ సంగీతాన్ని అందించారు. రాజశ్రీ గారు అంటే కేవలం డబ్బింగ్ చిత్రాలకి మాత్రమే పాటలు రాస్తారు అనుకుంటారు. ఈ చిత్రం లోని అన్ని పాటలు ఆయినే రాసారు, నాకు బాగా ఇష్టమైన పాట మామ చందమామా.  బాలు గురించి చెప్పాలి ఈ పాట కళ్ళుమూసుకుని వినండి, బాలు గారి గొంతు గుర్తుపట్టలేము, typical బాలు కనిపించరు. great singer, we are blessed having balu in telugu film industry  

ఒరిజినల్ ట్రాక్ స్కిప్ అవుతోంది అందుకు వేరే లింక్ పెట్టడమయింది 

మామా చందమామా వినరావా నా కధ  

వింటే మనసు ఉంటె కలిసేవు నా జత  

నీ  రూపము ఒక దీపము గతిలేని పేదకు (2)

నీ కళ్ళే  సాటిలేని ఆకారం ప్రేమకు 

నువ్వు లేక నువ్వు రాక విడలేవు కలువలు 

జాబిల్లి నీ హాయి పాపలకు జోలలు .... 

మామ చందమామ  

ఇంటిపైన  నీవు ఒంటి దానివై 

అందరికి వెన్నెల పంచ రేయంత తిరగాలి 

ఇంటిలోన నేను ఒంటి గాడినై 

అందరికి సేవలు చేయ రేయి పవలు తిరగాలి 

లేరు మనకు బంధువులు లేరు తల్లిదండ్రులు (2)

మనను చూసి అయ్యో పాపం అనే వారు ఎవ్వరు 

అనే వారు ఎవ్వరు

మామా చదమామ....

https://www.youtube.com/watch?v=Kz2rKXW9q8g

swathi mutyapu jallulalo

మిత్రులకి వందనం

హంసలేఖ గారి పేరు వినే ఉంటారు, మంజునాథ చిత్రానికి సంగీతం అందించారు, చాలా గొప్ప మ్యూజిక్ డైరెక్టర్, తెలుగులో తక్కవ చిత్రాలు చేసినా మంచి చిత్రాలు చేసారు, శాంతి క్రాంతి, మంజునాథ, ప్రేమ యుద్ధం, ముత్యమంత ముద్దు, అంకురం (ఎవరో ఒకరు ఎప్పుడో అప్పుడు ) లాంటి ఎన్నో మంచి చిత్రాలకి సంగీతం అందించారు. కన్నడ చిత్ర సీమలో సంగీతమే కాకుండా, కధ,  స్క్రీన్ ప్లే, గీత రచన కూడా చేసారు.

వర్షాకాలం మొదలైంది వాన పాటలు గుర్తుకొస్తున్నాయి, ప్రేమ యుద్ధం లో స్వాతి ముత్యపు జల్లులలో అంటే చాలా ఇష్టం నాకు, బాలు జానకమ్మ అద్భుతంగా పాడారు. వేటూరి వారి కలం స్వాతి ముత్యాల జల్లు కురిపించింది.

ఈ మద్య ఈ పాటని రీమేక్ చేసారు యాక్షన్ 3D అనే చిత్రంలో, రీమేక్ సాంగ్స్ disasters అని నిరూపించింది, ఆ ఫిమేల్ సింగర్ ( దివిజ) మరీను, సర్లెండి వాళ్ళ అంతే, పాత పాటే విందాం.

ముందుగా కన్నడాలో వచ్చిన ఈ చిత్రం రవిచంద్రన్ చేసారు, తెలుగులో నాగార్జున. రెండు భాషలలోను అమలే కధానాయిక.


స్వాతి ముత్యపు జల్లులలో శ్రావణ  మేఘపు జావళిలో "2"
నిండే దోసిలి పండే కౌగిలి నిన్నే అడిగేనులే
నీతో రాతిరి గడిపే లాహిరి నిన్నే కడిగేనులే


స్వాతి ముత్యపు జల్లులలో శ్రావణ  మేఘపు జావళిలో "2"
నిండే దోసిలి పండే కౌగిలి నన్నే అడిగేనులే
నీతో రాతిరి గడిపే లాహిరి నన్నే కడిగేనులే



ముసురేసిందమ్మ కబురే కసిగా తెలిపే తడిగా ఓడినే దులిపి
జడివానేం చేస్తుంది జవరాలే తోడుంటే
తడిపేసిందమ్మ తనువూ తనువూ కలిపి తనతో సగమే చెరిపి
చలిగాలేం చేస్తుంది చెలికాడే తోడుంటే
ఆ మెరుపులకే మేలి తిరిగే సొగసులతో
ఈ ఉరుములకే ఉలికిపడే వయసులతో
కురిసిందీ  వానా తొలిగా పరువానా




మతి పోయిందమ్మా మనసు మనసు కలిసి కథలు కళలు తెలిసి
జలపాతం నీవైతే అలగీతం నేనేలే
కసి రేగిందమ్మ కలతో నిజమే కలిసి దివినీ భువినీ కలిపి
సిరి తారలు తెస్తాలే నీ విరులే చేస్తాలే
ఈ చిటపటకే శ్రుతి కలిసే వలపులతో ఈ తపనలకే జత కలిసే తలపులతో
కురిసిందీ వానా తొలిగా పరువానా

https://www.youtube.com/watch?v=t3wjF6HzOnA


https://www.youtube.com/watch?v=--Dz-c5tx68

పుంజై ఉండు ననజై ఉండు పొంగివరుం గంగై ఉండు  (సొంత మంటూ పంత మంటూ  అంతలేసి  మాటలంటూ )
పంజమ్ మట్టుం  ఇన్నుం ఇంగు మారవిల్ల - ఎంగ    ( పొంతనంటూ  పట్టనట్టు ఉందువేలా - ఎంత )
బారధత్తిల్ సోత్తుచ్చండ తీరవిల్ల                              (భాధ ఉన్నా పక్క వాడ్ని చూడవేలా) 
వీదికోరు కట్చియుండు సాదిక్కోరు సంగముండు      (వీధికోక కక్షి పెట్టి, ఊరుకోక సంగమెట్టి )
నీది సొల్లా మట్టుం ఇంగు నాదియిల్ల - సనమ్           (నీది అన్న మాట తప్ప మనది ఆనవా  - మరి   )
నిమ్మదియా వాజ్హ ఒరు నాలుమిల్ల - ఇదు               (జాతి మొత్తం చీడ లాగ ఉండబోదా   - ఇది )
నాడా ఇల్లా వెరుమ్ కాడా - ఇదై                              (  నీదా నాదీ  అంటూ ఉంటే  - మరి )
కేత్క యారుం ఇల్లై తోఅజ్హ                                      (రాదా మనలో ఈ తేడా )

వానత్తై ఎత్తి నిర్కుం ఉయరన్ధ మాలిగై                      (వానొచ్చి నీరు పోసి మొక్క పెంచెనా)
యారింగు కట్టివైత్తు కొడుత్తదు                                (ఎవరొచ్చి చెప్పారని చేసెనా  )
ఊరుక్కుప్ పాడుపట్టు ఇన్నైథ కూత్తమే                   (కాలాన్ని పాడి పంట చూసుకొమ్మని)
వీదిన్రి వాసలిన్రి తవిక్కుదు                                     (విధి రాత మార్పులు  చేయునా)
ఎత్తని కాలం ఇప్పడి పొఅఘుమ్ ఎంద్రోరు కెల్వి నాలై వరుం (ఇంకెంత  కాలం ఇల్లాంటి భావం మారాలి మనలో ఈ ద్వేషం )
ఉల్లవై ఎల్లాం యారుక్కుం సొంధం ఎన్రింగు మారుం వేలి వరుం (ఊరంతా ఒకటై వాడంతా కలిసి  సాగాలి ముందుకు వాహినులై)
ఆయిరం కైగల్ కూడట్టుం ఆనంద రాగం పాడట్టుం       (చేయి చేయి కలపండి తోడూ నీడగ సాగండి)
నాలయ కాలం నమ్మోఅడు నిచ్చయం ఉండు పోరాడు ( మంచి చెడ్డ తెలిసేలా మనిషికి సాయం చెయ్యండి )
వానగముమ్ వైయగముమ్ ఎన్గల్ కైగాలిల్ ఎన్రాడు     (ఏమైనా ఏదైనా ఒకటే దారి ఒకటే గమ్యం)

ఆట్రుక్కుప్ పాదై ఇంగు యారు తంధదు                            (ఉడుతమ్మా సాయాన్నేమో  రాముడడిగెనా)
తానాగాప్ పాదై కండు నడక్కుదు                                     (తనదైన భక్తిని నమ్మవా)
కాట్రుక్కుప్ పాట్టుచ్ చోల్లి యారు తంధదు                           (కాటిలో ఉన్నది కొడుకు కాదని)
తానాగాప్ పాటు ఒన్ను పడికుదు                                      (తనువేమో చాలించాక తెలియునా)
ఎన్నియ యావుం కైగాలిల్ సేరుం నంబిక్కై వేండుం నేన్జుక్కుల్లే(కష్టాన్ని చూసి కారాన్ని చల్లే రాక్షస రూపం మారాలి)
కాలైయిల్ తోంరుం సూరియన్ పోఅలే పొంనోలి వేండుం కన్నుక్కుల్లే (హక్కులు కాని అక్కసు లేని ప్రేమే మనము పంచేద్దాం 
చేరియిల్ తేన్రాల్ వీసాదా ఏజ్హియై వందు తీన్దాదా              (గొంతు గొంతు కలిపెద్దాం ఆనంద రాగం పాడేద్దాం)
గానగై తెర్కే పయాద కావేరి ఓడు సేరాదా                         (తీరు తెన్నూ మార్చేద్దాం సంతోషంగా జీవిద్దాం )
పాడుపడుం థొఅషర్గలిన్ థొఅల్గలిల్ మాలై సూదాదా          (ఏమైనా ఏదైనా ఒకటే దారి ఒకటే గమ్యం)

aanatineeyaraa haraa

మిత్రులకి శుభోదయం

K విశ్వనాథ్ గారి చిత్రాలంటే మనందరికీ చాలా ఇష్టం, కారణం సంగీత నృత్య ప్రదానమైన చిత్రాలే అయినవి. అయిన గొప్పతనం గురించి నేను కొత్తగా చెప్పర్లేదు, మీకందరికీ తెలిసిందే. కేరళ సూపర్ స్టార్ మమ్ముట్టి గారిని, తమిళనాడుకు  చెందిన రాధికని, కర్ణాటకకు చెందిన మంజునాథ్ ని పెట్టి తీసిన తెలుగు చిత్రం స్వాతికిరణం అంటే చాలా ఇష్టం నాకు. మహదేవన్ గారి సంగీతం, శాస్త్రి గారి సాహిత్యం సినిమాని మరొక ఎత్తుకి తీసుకెళ్ళాయి.

ఈ చిత్రం లోని ఆనతినీయరా హరా అనే పాట నాకు బాగా ఇష్టమైన పాట, వానిజయరాం మాత్రమే పాడగలరు అనడం అతిశయోక్తి కాదు. రియాలిటి షోస్ లో శ్రుతి నీవు గతినీవు పాట ఎంచుకుంటారు కాని ఆనతినీయరా ప్రయత్నిచడం లేదు, కొందరు చేసారు కాని ! అంతగా చేరుకోలేక పోయారనే చెప్పాలి.

అమృతవర్షిని రాగంలో చెయ్యబడిన ఈ పాట నిజంగానే వాణి గారు మన చెవులలో అమృతం పోసారు.

తప్పులేమైనా ఉంటే పెద్దలు చెప్పగలరు, సర్దగలరు.



ఆనతినీయరా హరా
సన్నుతిసేయగా సమ్మతినీయారా దొరా
సన్నిధిజేరగా ఆనతినీయరా హరా

నీ ఆన లేనిదే రచింపజాలునా వేదాల వాణితో విరించి విశ్వనాటకం
నీ సైగ కానిదే జగాన సాగునా ఆ యోగమాయతో మురారి దివ్యపాలనం
వసుమతిలో ప్రతి క్షణం పశుపతి నీ అధీనమై "2"
కదులునుగా సదా సదాశివా
ఆనతినీయరా హరా .....

ని ని స ని ప నీ ప మ గ స గ ఆనతినీయరా

ఆచలనాధ అర్చింతునురా ఆనతినీయరా....
పమపని పమపని పమపని గమపని
సనిసగ సనిసగ  సనిసగ పనిసగ
గమగ సాని పమ గమగసా సగసని

జంగమదేవర సేవలు గొనరా మంగళదాయక దీవెనలిడరా సాష్టాంగముగ దండము చేతురా ఆనతినీయరా......

సానిప గమపానిపమ గమగ పాప పప మపని పాప పప
గగమ గాస సస నిసగ సాస సస సగగస గపపమ పసనిస
ససని సాగ సాగ సని సాగ సాగ సగ గాస సాస సని సాగగ గసగ గా పమగస గ సనిప నిపమగమగ ఆనతినీయరా......

శంకరా శంకించకుర వంకజాబిలిని తలను ముడుచుకుని విషపునాగులను చంకనెత్తుకుని
నిలకడనెరుగని గంగనేలి ఏ వంకలేని నా వంకనొక్క కడగంటి చూపు పడనీయవేయిని నీ కింకరునిగ సేవించుకుందురా ఆనతినీయరా ......

పాపా పమప నినిపమగస గగ "2"
గమపని గా మపనిస మా పనిసగ నీస పాని మాప గామ సాగమ
పాపా పమప నినిపమగస గగ

గమపని గా మపనిస మా
పనిసగ నీస పాని మాప గామ సాగమ
పాపా పమప నినిపమగస గగ
గమపని గమపనిస మపనిసగని గమపని గమపనిస మపనిసగ నిస పని మప గమ సాగామ
పాపా పమప నినిపమగస గగ

గామాపని గామాపానిస మపాని సగనిస పని మప గమ సాగామ
పాపా పమప నినిపమగస గగ

గగ మమ నినిసమ తక తకిట తకధిమి
మమ పప నినిసమ తక తకిట తకధిమి
పపనినిసస గని తక తకిట తకధిమి
పపని మపగమ సగమ
పాపా పమప నినిపమగస గగ

రక్షా ధర శిక్షాదీక్ష ద్రక్షా విరూపాక్ష నీ కృపావీక్షనాపేక్షిత ప్రతీక్షనుపేక్ష చేయక పరీక్ష చేయక రక్ష రక్షయను ప్రార్ధన వినరా

ఆనతినీయరా హరా సన్నుతిసేయగా సమ్మతినీయరా  

https://www.youtube.com/watch?v=m3G5iD-NZhU

rasaleela velaa

మిత్రులకి శుభోదయం 

వారసులు చాలామంది వస్తారు కొంతకాలం చూడగలం, ఒకటో రెండో చిత్రాలు, నిజంగా talent లేకపోతే చూడంకదా, సుమారు 40 వసంతాలనుంచి తెలుగు చలనచిత్ర సీమలో తనకంటూ ఒక సుస్తిరమైన స్థానాన్ని సంపాదించుకున్న బాలకృష్ణ గారికి ముందుగా జన్మదిన శుభాకాంక్షలు. మిత్రులు గమనించారో లేదో, వారి చిత్రాలలోని పాటలు చాలా బాగుంటాయి. ఆదిత్య 369 కానీవండి, భైరవద్వీపం, పాండురంగడు, శ్రీ రామరాజ్యం, ముద్దుల మావయ్య, ధర్మక్షేత్రం గాండీవం  అశ్వమేధం  ఒకటా రెండా ఎన్నో మంచి musical హిట్స్ ఉన్నాయ్ వారికి. 

ఆదిత్య 369 లో అన్ని పాటలు బాగుంటాయి, రాసలీల వేళా అంటే చాలా ప్రీతి, రాజా గారు అద్భుతంగా చేసారు. వెన్నెలకంటి గారి కలం చాలా మాయలు చేసింది, చాలామంది అనుకుంటారు ఇది వేటూరి గారిదేమో అని. ఇంతమంచి సాహిత్యం రాయగలిగిన వెన్నెలకంటి గారు డబ్బింగ్ చిత్రాలకి పరిమితం కావడం కొంచెం బాధాకరమే. రెండో చరణంలో "మోయలేని తీయని పాయి పూల జల్లులు" అనే లైన్ లో పాయి అనేలా వినిపిస్తుంది అలా అయితే కొంచెం శృంగారం పాళ్ళు ఎక్కువనే చెప్పాలి. 

రాసలీల వేళ  రాయబారమేలా మాటే మౌనమై మాయ చేయనేల 

రాసలీల వేళ  రాయబారమేలా

కౌగిలింత వేడిలో కరిగే వన్నె వెన్నలా 

తెల్లబోయి వేసవి చల్లే పగటి వెన్నెల 

మోజులన్ని పాడగా జాజి పుల జావళి 

కందెనేమో కౌగిట అందమైన జాబిలి 

తేనెవానలోన చిలికే తీయనైన స్నేహము 

మేని వీణలోన పలికే సోయగాల రాగము 

నిదురరాని కుదురులేని ఎదలలోన సోదలుమాని 

మాయజేసి దాయకు సోయగాల మల్లెలు

మోయలేని తీయని పాయి పూల జల్లులు

చేరదీసి చెంతకు భారమైన యవ్వనం

దోరసిగ్గు తుంచకు ఊరుకోదు ఈ క్షణం

చేపకళ్ళ సాగరాల అలల ఊయలూగనా

చూపు ముళ్ళు ఓపలేను కలల తలుపు తీయనా

చెలువ సోకు కలువ రేకు కలువ సోకి నిలువనీదు

https://www.youtube.com/watch?v=sxgm38yhnTY&list=PLvS3k4MyaWFdcSRVjuqS5MZHnXXXw4Y0o&index=2

aakasaam digivacchi

మిత్రులకి వందనం

ఆర్తీ అగర్వాల్ చిన్న వయసులోనే మనల్ని విడిచి పరలోకాలకి వెళ్ళడం బాధాకరమే, ఆమె ఆత్మకి శాంతి చేకూరాలని ఆ భగవంతుడిని ప్రాద్ధిస్తున్నా.

చాల మంచి చిత్రాలని చేసారు, అన్నిటికన్నా వెంకటేష్ గారితో చేసిన నువ్వు నాకు నచ్చావ్ బాగుంటుంది. అందులో ఆకాశం దిగివచ్చి అనే పెళ్ళి పాట అంటే చాలా ఇష్టం, శాస్త్రి గారు అధ్బుతంగా రాసారు. ఈ రోజు మీకోసం


ఆకాశం దిగి వచ్చి మబ్బులతో వెయ్యాలి మన పందిరి
ఊరంతా చెప్పుకునే ముచ్చటగా జరగాలి పెళ్ళంటే మరి

చెరిసగమవమని మనసులు కలుపుతు  తెర తెరిచిన తరుణం
ఇది వరకెరగని వరసలు కలుపుతు  మురిసిన బంధుజనం

మా ఇళ్ళ  మావిళ్ళ తోరణలన్ని పెళ్లి శుభలేఖలే
అక్షింతలేసి ఆశీర్వదించమను  పిలుపులైనవి గాలులే

ఆకాశం దిగి వచ్చి మబ్బులుతో వెయ్యాలి మన పందిరి

చెంపలో విరబూసే అమ్మాయి సిగ్గుదొంతరలు
ఆ సొంపులకు ఎరవేసే అబ్బాయి చూపు తొందరలు
ఏ వరాలో ఈ జవరాలై జతపడు సమయంలో ఓ ఓ
వానవిల్లే  వధువుగ మారి ఒదిగిన వేడుకలో
తన సరసన విరిసిన సిరిసిరి సొగసుల
కులుకల కలువకు కానుకగా
ఎద సరసున ఎగసిన అలజడి  అలలే తాకగా


విన్న వారేవరసలు సన్నాయి వారి సంగతులు
సన్న సన్నగా రుసరుసలు వియ్యాలవారి విసవిసలు
సందు చూసి చక చక ఆడే జూద సిఖామణులు ఉ ఉ
పందిరంతా ఘుమ ఘుమలాడే విందు సువాసనలు
తమ నిగనిగ నగలను పదుగురి ఎదురుగ
ఇదిగిదిగో అని చూపెడుతూ
తెగ తిరిగే తరుణుల తికమక పరుగులు చూడగా


https://www.youtube.com/watch?v=srVdSnJ-oUs

raa raa

మిత్రులకి వందనం

రెండురోజుల క్రితం పెట్టిన పోస్ట్ లో విద్య సాగర్ గారి ప్రస్తావన చేసాను, ఈ రోజు అయిన చేసిన చంద్రముఖి చిత్రం లోని "రా రా "పాట చూద్దాం. 2004 లో సౌందర్య చేత కన్నడం లో ఆప్తమిత్ర అనే చిత్రం వీటన్నిటికి మాతృక, ఆ చిత్రానికి గురుకిరణ్ సంగీతం, ఆచ్చు గుద్దినట్టు విద్యాసాగర్ చేసారు (దర్శకులు చెప్పి ఉంటారు).

"సూర్య సల్లాప" అనే రాగంలో చెయ్యబడింది ఈ పాట, నాకు తెలిసి తెలుగులో ఈ రాగంలో వేరే పాటలు లేవు, maybe నేను correct కాక పోవచ్చు, చాలామంది సూర్య రాగం అని కూడా అంటారు.

నిజం చెప్పాలంటే సంస్కృతం అన్ని భాషలకి ఎల్లా మూలమో, ఇళయరాజా చలనచిత్ర గీతాలకి రాగాలని వాడడం అంతే  అంటా, "తాయి మూకంబికై" అనే తమిళ చిత్రంలో ఇళయరాజా గారు, సుశీలమ్మ, జానకమ్మా, L  రాజేశ్వరి ముగ్గిరి చేతా  ఒక పాట చేసారు "ఇసై అరసి ఎన్నాలుమ్ నానే" అనే పాట, ఆ లింక్ కూడా పెడుతున్నా వినండి, ఈ పాట కూడా సూర్య సల్లాప లో చేసినదే. అలాగే A R సంగీత దర్శకత్వం వహించిన హ్రుదయాంజాలి అనే చిత్రం లోని "మానస వీణా" (మిత్రులకి మునుపు పరిచయం చేసా ఆ పాట) కూడా ఇదే రాగం,  ఆ పాట విన్నాక రెహమాన్, గురుకిరణ్, విద్యా సాగర్ లు చాలా inspire అయి చేసుంటారు.

చంద్రముఖి ఒరిజినల్ గా తమిళ చిత్రం, తమిళ versionలో తెలుగు పాట, తెలుగు versionలో తమిళ పాట పెట్టారు, లిప్ సింక్ చూడండి ముందుగా తెలుగులో చేసి దానికి తమిళ లో డబ్బింగ్ చేసారు. భువనచంద్ర గారు రాసారు.

https://www.youtube.com/watch?v=MQ9nMS4H-fs

https://www.youtube.com/watch?v=-MjW6xXGnAc

https://www.youtube.com/watch?v=rrEZlbXRdak

tooneega tooneegaa

మిత్రులకి వందనం

R  P  పట్నాయక్ చాలానే మంచి చిత్రాలకి సంగీతం అందించారు, almost అన్నీ హిట్స్ అనే చెప్పాలి, చిత్రం, నువ్వు నేను, జయం, నిజం, మనసంతా నువ్వే, కాని మనసంతా నువ్వే లో హిట్ సాంగ్ తూనీగా తూనీగా పాట విద్యాసాగర్ గారి పాటని copy  చేసారు. ఎవరు చేసినా మంచి మెలోడీ. అచ్చమైన తెలుగు వాడైన విజయనగర వాస్తవ్యుడు విద్యాసాగర్ కి అనుకున్నంతపేరు తెలుగులో రాలేదు, కాని మలయాళం లో అయిన చాలా చిత్రాలకి సంగీతం అందించారు, అక్కడ టాప్ కంపోసర్. తెలుగులో ముగ్గురు మొనగాళ్ళు, స్వరాభిషేకం,  K R R  తనయుడి నీతో లాంటి ఎన్నో చిత్రాలు చేసినా ఎందుకో రావలసిన గుర్తింపు రాలేదు.

శాస్త్రి గారు రాసిన మనసంతా నువ్వే చిత్రం లోని నాకు బాగా నచ్చిన తూనీగా తూనీగా పాట ఈ రోజు మీకోసం


తూనీగా తూనీగా ఎందాకా పరుగెడతావే రావే నా వంకా
దూరంగా పోనీకా ఉంటాగా  నీ వెనకాలే రానీ సాయంగా

ఆ వంకా ఈ వంకా తిరిగావే ఎంచక్కా
ఇంకానా చాలింకా ఇంతేగా నీ రెక్కా
ఎగిరేనా ఎప్పటికైనా ఆకాశందాకా
తూనీగా తూనీగా ఎందాకా పరుగెడతావే రావే నా వంకా
దూరంగా పోనీకా ఉంటాగా  నీ వెనకాలే రానీ సాయంగా

దోసిట్లో ఒక్కో చుక్కా పోగేసి ఇస్తున్నాగా
వదిలేయకు సీత కోక చిలకలుగా
వామ్మో బాగుందే చిట్కా నాకు నేర్పిస్తే చక్కా
సూర్యున్నే కరిగిస్తాగా చినుకులుగా
సూర్యుడు ఏడి  నీతో ఆడి  చందమామ అయిపోయాడుగా

ఆ కొంగలు ఎగిరి ఎగిరి సాయంత్రం గూటికి మళ్ళి తిరిగొచ్చే దారిని ఎపుడు మరిచిపొవెలా
ఓ సారటువైపెళుతుంది మళ్ళి ఇటు వైపోస్తుంది
ఈ రైలుకి సొంతూరేదో గురుతురాదెలా
కూ కూ బండి మా ఊరుంది ఉండిపోవే మాతో పాటుగా

తూనీగా తూనీగా ఎందాకా పరుగెడతావే రావే నా వంకా
దూరంగా పోనీకా ఉంటాగా  నీ వెనకాలే రానీ సాయంగా

https://www.youtube.com/watch?v=58ArrWB_3z4

https://www.youtube.com/watch?v=QOoGuu-o2wg

chinni chinni kannyyaa..

మిత్రులకి శుభోదయం

ఈ రోజు నాలాంటి వారికి ఒక పండుగ, సంగీత అభిమానులకి ఈ రోజు ఒక సుదినం, ఎందుకంటే "ఇసై" రాజా జన్మదినం.

17 సంవత్సరాల క్రితం ఊరువిడిచి, అమ్మా నాన్నగార్లని అందరిని విడిచి దూరంగా ఒక్కడిని ఉద్యోగరీచ్యా  కర్ణాటక వెళ్ళిన నాకు,  ఎల్లప్పుడూ తోడువున్నది ఇళయరాజా గారి పాటలే అంటా. అమ్మ గుర్తుకు వచ్చినా, నాన్నగారు గుర్తుకొచ్చినా, అక్కా, అన్నా, ఊరు వాడా ఏది గుర్తొచ్చినా వాళ్ళందరిని మరిచిపోయి మాములుగా కావడానికి కేవలం ఇళయరాజా గారి పాటలే కారణం. తమిళనాట నుంచి వచ్చిన సహుద్యోగుల వలన రాజా గారి ఎన్నో తమిళ ఆణిముత్యాలు పరిచయం అయ్యాయి, మౌనరాగం, కాదల్ ఓవియం, అళగల్ ఓవియం, బద్రకాళీ, భారతి, ధర్మపత్ని, లాంటి ఎన్నో చిత్రాలలో పాటలు పరిచయం అయ్యాయి. వారందరికీ మనఃపూర్వక దన్యవాదములు.

@jayakrishna  చెప్పినట్టు There are only two types of IR fans: 1. Who believe that he is god 2. Who can never disagree with above belief. Ilaiyaraja \m/

అక్షరాలా నిజం అయినని అయిన పాటల్ని అభిమానించని వారు ఉండరు అనడం అతిశయోక్తి కాదు. "హి ఇజ్ గాడ్ అఫ్ మ్యూజిక్"

ఎడుపోచ్చినా, కోపమొచ్చినా, బాధా, బయం ఏమొచ్చినా వాటిని పరిచిపోవడానికి ఔషదమ్ ఇళయరాజా సంగీతం.

మీరు మీ పాటలు  కలకాలం, చిరకాలం ఈ జగతిలో ఉండాలని ఆ భగవంతుడిని కోరుతున్నా.

రాజా గారు సినిమా ఫీల్డ్ కి వచ్చిన కొత్తల్లో చేసిన ఈ పాట మీకోసం, నాకు చాలా ఇష్టం, భద్రకాళి చిత్రంలోని "చిన్ని చిన్ని కన్నయ్యా" పాట. 1976 డిసెంబర్లో తమిళంలోనూ, 1977 జనవరి లో తెలుగులోనూ వచ్చింది ఈ చిత్రం.

దాశరధి కేగారు రాసిన ఈ జోల పాట ఎంతో శ్రావ్యంగా  జేసుదాసు గారు సుశీలమ్మ పాడారు. జయప్రద నటన చాలా బాగుంటుంది ఈ సినిమాలో,



చిన్ని చిన్ని కన్నయ్యా కన్నులలో నీవయ్యా
నిన్ను చూసి మురిసేను నేను మేను మరిచేను
ఎత్తుకొని ముద్దాడి ఉయ్యలలూపేను
జోల పాట పాడేను లాలి పాట పాడేను

నీ ఒడిలో నిదురించి తీయని కలగాంచి
పొంగి పొంగి పోయాను పుణ్యమెంతో చేసాను
ఏడేడు జన్మలకు నాతోడు నీవమ్మా ఈనాటి ఈ బంధం ఏ నాడు విడదమ్మా 
అమ్మవలె రమ్మనగా పాప వలె  చేరేవు
నాచెంత  నీవుంటే స్వర్గమే నాదవును
గాయత్రి మంత్రమును జపించే భక్తుడనే
కోరుకున్న వరములను ఇవ్వకున్న వదలనులే

స్నానమాడే శుభవేళ కురులలో పువ్వులతో
దేవి వలె  నీవస్తే  నా మనసు నిలువదులే
అందాల కన్నులకు కాటుకను దిద్దేను
చెడు చూపు పడకుండా అగరు చుక్క పెట్టేను

చిన్ని చిన్ని కన్నయ్యా కన్నులలో నీవయ్యా
నిన్ను చూసి మురిసేను నేను మేను మరిచేను
ఎత్తుకొని ముద్దాడి ఉయ్యలలూపేను
జోల పాట పాడేను లాలి పాట పాడేను




https://www.youtube.com/watch?v=meT2fPnE6hU