man ko shakti dena

మిత్రులకి వందనం

ఎవరో అడుగుతున్నారు నన్ను ఏంటి పాటల సరదా తీరిపోయిందా, ఈ మద్య పోస్టలు లేవు అని, కేవలం సమయాభావం వలన మాత్రమే రాయలేక పోతున్నా, సంగీతం మీద, సాహిత్యం మీద మోజు ఎప్పటికి పోదు, మిత్రులతో పంచుకోవడంలో ఉండే ఆనందం బాగా తెలిసినవాడిని.

సమయాన్ని కూడగట్టుకొని మరి ఈ రోజు ముందుకొచ్చా!

సప్తతి మహోత్సవం జరుపుకుంటున్న మహా గాయని శ్రీమతి వాణిజయరామ్ గారికి ముందుగా జన్మదిన శుభాకాంక్షలు. నాలుగు దశాభ్దాలకు పైగా ఎన్నో గొప్ప పాటలు పాడి మనల్ని అలరిస్తున్న వాణి గారు, తెలుగులోనే కాకుండా భారతీయ భాషలన్నిటి లోను పాడారు.

గుడ్డి చిత్రం గురించి నిన్నటి తరం వారందరికీ తెలుసు వసంత్ దేశాయి గారి సంగీత సారద్యంలో వచ్చిన ఆ డెబ్బైవ దశకం చిత్రంలోని హంకో మన్ కి శక్తి దేన పాట ఆ రోజులలో ప్రతి పాఠశాలలో ప్రార్ధనా గీతంగా నడిచేది. ఇప్పటికి ఉత్తర భారతంలో చాలా  పాఠశాలల్లొ పిల్లలు పాడతారు.

వాణి గారు భారతదేశంలో ఉన్న అందరు గొప్ప సంగీత దర్శకులకి పాడారు, చిత్రగుప్త, నౌషద్, మదన్ మోహన్, op నయ్యర్, R D బర్మన్, కళ్యాణ్ జి-ఆనంద్ జి, జయదేవ్, సలీల్ చౌదరి,లక్ష్మి కాంత్ ప్యారేలాల్, రవీందర్ జైన్, లాంటి హిందీ సంగీత దర్శకులు, M S విశ్వనాధన్, మహదేవన్, M K అర్జున్, ఇళయరాజా, A R రెహమాన్ లాంటి దక్షిణ భారత సంగీత దర్శకుల దగ్గరా కూడా పాడారు.

ఆమె పాడిన మీరా భజన్స్ వినండి తన్మయత్వం చెందడం ఖాయం.

ఎంతైనా ఆమె వీణ విద్వాంసులు శ్రీ రంగారామనుజం అయ్యంగారి శిష్యురాలు, అక్కగారితో పాటు కడలూరు  శ్రీనివాస అయ్యంగార్ దగ్గరా సంగీతం అభ్యసించారు.

हम को मन की शक्ति देना, मन विजय करे
दूसरों की जय से पहले, खुद को जय करे

भेदभाव अपने दिल से साफ़ कर सके
दोस्तों से भूल हो तो माफ़ कर सके
झूठ से बचे रहे, सच का दम भरे
दूसरों की जय से पहले, खुद को जय करे

मुश्किलें पड़े तो हम पे इतना कर्म कर
साथ दे तो धर्म का, चले तो धर्म कर
खुद पे हौसला रहे, बदी से ना डरे
दूसरों की जय से पहले, खुद को जय करे

https://www.youtube.com/watch?v=a0VhLqzPqVA

deepavali

మిత్రులకి ముందుగా దీపావళి శుభాకాంక్షలు.

దీపావళి అంటే?  దీప + ఆవళి = దీపావళి

ఆవళి అంటే వరుసా అని అర్ధం. దీపాలవరుస అని పూర్తి అర్ధం.

దశకంఠుని దునుమాడిన ఆ శ్రీరామ చంద్రమూర్తి సీత లక్ష్మణ సేమేతంగా అయోధ్యకు తిరిగి వస్తు ఉంటే, అరిషడ్వర్గమ్ముల బాపి జ్ఞానజ్యోతి వెలిగించెను మన మనసులలో అని నగరమంతా దీపాలతో అలంకరించారట అయోధ్య వాసులు.

సత్యాకృష్ణులు కలిసి నరకునితో పోరు సలిపి వానిని తుదముట్టించి మన ఎడదల వెలుగునింపారని ద్వారకానగారాన్ని సూర్యుడు కూడా క్రిందకి తొంగిచూసేట్టు వెలుగులతో నింపారట ద్వారకా వాసులు
ఈ రెండు జరిగి కొన్ని వేల సంవత్సారాలు అయినా మనం మరువలేదు, దీపావళి చేస్తున్నాం అంతర్యం అసలుకే మరిచిపోయి. దశకంఠుడు - నరకుడు వీరు  అసురులా? మనలమించు అసురుడెవడు..?మన ఎడదల అసురసంధ్య -తొలగించే దెవరో ..? ఈరోజు మనం దాని అర్థాన్నే మార్చేసి బాంబుల పండుగ చేసేసాం. మోతలు మ్రోగిన్చేస్తున్నాం, కాలుష్యం తో నింపేస్తూన్నాం, పక్షి, జంతు, జన జీవనానికి హానికలిగించేస్తున్నాం. కొన్ని వేల మెట్రిక్ టన్నుల వ్యర్ధాలని ఈ భూమాత కడుపులోకి తోక్కేస్తున్నాం. ప్రాణాలకి హాని కలిగించేట్టు పండుగ చేసుకోమని ఎవరు చెప్పారు. మన పండుగ మీద కూడా చైనా వారు డబ్బులు సంపాదిస్తున్నారంటే ఎంత దుర్భాగ్యపు స్థితిలో ఉన్నాం మనం. ఎందుకు ఈ పండుగ జరుపుకోవాలో మీ పిల్లలకి చెప్పండి, నాకు తెలిసిన మా చిన్నప్పుడు చెప్పిన కధలని మీతో పంచుకోవాలని కోరికతో ఈ చిన్ని ప్రయత్నం.

ఈ భూమండలం, కాదు ఈ మొత్తం సౌరమండలంలో ఉండే అన్ని జీవరాసులు సుఖంగా ఉన్నరోజేకదా, అపుడే కదా  మనకు అసలు -నిజమైన దీపావళి .. ..!!!

అందరికీ దీపావళి శుభాకాంక్షలు

దీపావళి వస్తోంది అంటే భయమేస్తోంది, సంవత్సరం సంవత్సరానికి బాంబుల మోతతో, కాలుష్యం పెరుగుతోందే తప్ప  ఈ దివ్వెల పండుగ, ఈ వెలుగుల పండుగ, ఈ అంధకారాన్ని ప్రాలదొలే పండుగ ఆనందాన్ని ఇవ్వడం లేదు. ప్రతి సంవత్సరం కేవలం ఈ ఒక్కరోజు కొన్ని వేల మెట్రిక్ టన్నుల చెత్తని, కొన్ని వేల క్యూబిక్ మీటర్ల రసాయన పొగని మనం వదులుతున్నాం. నునే దీపాలు వెలిగించవలసిన పండుగ కాస్తా బాంబుల పండుగగా మారుతోంది. మీరు ఆలోచించ లేని మరొక విషయాన్ని ఒకటి చెప్తా, మనలో కొందరు శ్వాస సంభదిత ఇబ్బందులు ఉన్నవారు ఉంటారు, అల్లాంటి వారికి ఎంత ఇబ్బంది కలుగుతోందో తెలుసా, ఆఖరికి వారు ఈ పండుగనాడు, తరువాత కొన్ని రోజుల పాటు బయటకు రాలేకపోతున్నారు అంటే నమ్ముతారా, ఆఖరికి వారు ఆ రోజు కృత్రిమ శ్వాస ఇచ్చే యంత్రాలతో గడుపుతున్నారు అంటే నమ్ముతారా. అంతే కాదు ఎన్నో పక్షులు చనిపోతున్నాయి ఆ శబ్ధాలకి. మిత్రులకి ఒక మనవి పండుగ చేసుకోకండి అని చెప్పడం లేదు, సమాజానికి, సంఘానికి, మనతోటి వారికి ఇబ్బంది లేకుండా, నునే దీపాలతో, లైట్స్ తో, మిఠాయిలతో,  కొత్త బట్టలతో జరుపుకోండి. మీకందిరికి దీపావళి శుభాకాంక్షలు.

itu itu

మిత్రులకి వందనం

ఒక గాలి శీను, ఒక కేబుల్ రాజు, ఒక బళ్ళారి బాబు, ఒక ధూపాటి హరిబాబు. ఇలా సినిమా లోని కారెక్టర్ పేరు గుర్తు పెట్టుకునేంత గొప్పగా కధ రాసుకొని తియ్యడం కేవలం జాగర్లమూడి క్రిష్ కి మాత్రమే చెల్లింది.

ప్రస్తుతం తెలుగులో ఉన్న మంచి దర్శకులు కృష్ణవంశి, త్రివిక్రమ్ శ్రీనివాస్,  శ్రీకాంత్ అడ్డాలా, కొరటాల శివ, జాగర్లమూడి క్రిష్. వీరి అయిదుగురికి కామన్ పాయింట్ ఒకటుంది, అదేంటంటే సిరివెన్నెల సీతారామశాస్త్రి గారు వీరికి పెద్ద ప్రేరణ. శాస్త్రి గారు కేవలం గేయ రచయత మాత్రమే కాదు ఒక గొప్ప philosopher, ఒక గొప్ప హ్యూమన్బీయింగ్. సినిమాలో సందర్భానుసారమును బట్టి పాట రాయగల ఏకైక కవి.

క్రిష్ గారి నూతన చిత్రం కంచె గురించి చెప్పాలి. సినిమా అంటే కేవలం వ్యాపారం కాదు, మంచి చిత్రాన్ని ప్రేక్షకులకి అందించడం ఒక బాధ్యత గా భావించి చిత్రాలని తెరకెక్కిస్తారు క్రిష్. వరుణ్ మొదటి చిత్రమే గొప్ప కధా చిత్రాన్ని  ఎంచుకొని, రెండవ చిత్రానికి ఇంకో మెట్టెక్కి కధ తో పాటు గొప్ప కారెక్టర్ ఉన్న చిత్రాన్ని, దర్శకుడిని ఎంచుకున్నారు. నిజంగా చాలా అభినందనీయులు. మెగా ఫ్యామిలీ మూసలో పడకుండా జాగ్రత్త పడుతున్నారేమో అనిపించింది.

ఈ చిత్రంలో ఒక  పాట బాగుంది అనడానికి లేదు, ఒక పాటను మించి ఒకటి ఉంది. చిరంతన్ భట్ మంచి సంగీతాన్ని అందించారు. శాస్త్రి గారు విద్వేషం పాలించే దేశం ఉంటుందా విధ్వంసం నిర్మించే స్వర్గం ఉంటుందా అంటూ ప్రశ్నిస్తారు, అలాగే ఏ సస్యం పండించదు మరు భూముల సేద్యం రేపటి శిశువుకు పట్టె ఆశల స్థన్యం ఈ పూటే ఇంకదు అందాం నేటి దైన్యానికి ధైర్యం ఇద్దాం అంటారు. ఎవరు రాయగలరండి, ఎవరు రాయించుకుంటున్నారండి ఎవరో ఒకరో ఇద్దరో తప్ప. ఈ చిత్రంలోని ఇటు ఇటు అని చిటికెలు ఎవ్వరివివో చూద్దాం. మొదటి చరణం తరువాత interload, హిందుస్తానీ రాగాలాపన వినండి ఎంత మాధుర్యంగా ఉందొ, అభయ్ జోద్పుర్కర్ తో కలిసి శ్రేయ ఘోసాల్ పాడారు, శ్రేయ గాడ్ బ్లెస్ యు 

ఇటు ఇటు ఇటు అని చిటికెలు ఎవ్వరివొ ఏమో
అటు అటు అటు అని నడకలు ఎక్కడికో  ఏమో
సడే లేని అలజడి ఏదో ఎలా మదికి వినిపించిందో
స్వరం లేని ఏ రాగం తో చెలిమికెలా స్వాగాతమందో
ఇల్లంటివేమ్ తెలియక ముందే మనం అనే కధానికా మొదలైందో


ఒక్కొక రోజుని ఒక్కొక గడియగ కుదించ వీలవక
చిరాకు పడి ఎటు పరారైందో సమయం కనపడక
ప్రమంచామంతా పరాభవంతో తలలోంచి వెళిపొదా
తనోటి ఉందని మనం ఎలాగ గమనించం గనక
కలగంటున్న మెలకువలొ ఉన్నాం కదా
మన దరికి ఎవరు వస్తారు కదిలించగ
ఉషస్సెలా  ఉదయిస్తుందో నిశీదెలా ఎటు పోతుందో
నిదుర ఎపుడు నిదరవుతుందో
మొదలు ఎపుడు మొదలవతుందో

పెదాలు మీదగా అదేమీ గలగల పదాల మాదిరిగా
సుధల్ని చిలికిన సుమాల చినుకుల అనేంత మధురిగా
ఇల్లాంటి వీలు కి ఇల్లాంటి ఊసులు ప్రపంచ భాష కదా
ఫలానా అర్ధం అనేది తెలిపే నిఘంటువు ఉండదుగా
కాబోతున్న కళ్యాణ మంత్రాలుగా
వినబోతున్న సన్నాయి మేళాలుగ



https://www.youtube.com/watch?v=eK_JJUVGwIo

https://www.youtube.com/watch?v=pdZDazUj-xs

nee navvu chependi naato

మిత్రులకి వందనం
సమయాభావం వలన మిత్రులని ఈ మద్య పలకరించలేకపోయా,

రాంగోపాల్ వర్మ తెలుగు హిందీ చిత్ర గతి మార్చాడు అనడంలో అతిశయోక్తి లేదు, ఆప్పటిదాకా ఒక మూసలో నడుస్తున్న చిత్రాల వరసని శివ చిత్రంతో మార్చాడు, తరవాత వచ్చిన అంతం నాకు శివకన్నా బాగానచ్చిన చిత్రం, R D బర్మన్ గారి సంగీతం, గురువు గారు శాస్త్రి గారి సాహిత్యం ఈ రెండిటి విలువను పెంచే బాలు గారి శ్రావ్యమైన గొంతు ఎంకావాలి ఇంత  సూపర్ హిట్ పాటకి. మిత్రులు ఒక విషయం గమనించండి ఈ పాటలో చరణాల తరువాత పల్లవి రాదు అది R D మార్క్ మ్యూజిక్

నీ నవ్వు చెప్పింది నాతో నేనెవ్వరో ఏమిటో
నీ నీడ చూపింది నాలో ఇన్నాళ్ళ లోటేమిటో
ఓ లాలలాలా ఓ లాలలాలా
నీ నవ్వు చెప్పింది నాతో నేనెవ్వరో ఏమిటో
నీ నీడ చూపింది నాలో ఇన్నాళ్ళ లోటేమిటో

నాకై చాచిన నీ చేతిలో చదివాను నా నిన్ననీ
నాకై చాచిన నీ చేతిలో చదివాను నా నిన్ననీ
నాతో సాగిన నీ అడుగులో చూసాను మన రేపునీ
పంచేదుకే ఒకరు లేని బతుకెంత బరువో అనీ
ఏ తోడుకి నోచుకోని నడకెంత అలుపో అనీ

నల్లని నీ కనుపాపలలో ఉదయాలు కనిపించనీ
నల్లని నీ కనుపాపలలో ఉదయాలు కనిపించనీ
వెన్నెల పేరే వినిపించని నడిరేయి కరిగించనీ
నా పెదవిలో నుదురిలాగే చిరునవ్వు పుడుతుందనీ
నీ సిగ్గు నా జీవితాన తొలి ముగ్గు పెడుతుందనీ

ఏనాడైతె ఈ జీవితం రెట్టింపు బరువెక్కునో
ఏనాడైతె ఈ జీవితం రెట్టింపు బరువెక్కునో
తనువు మనసు చెరిసగమని పంచాలి అనిపించునో
సరిగా అదే శుభముహూర్తం సంపూర్ణమయ్యేందుకు
మనమే మరో కొత్త జన్మం పొందేటి బంధాలకు
ఆ లాలలాలా ఆ లాలాలలాలా

నీ నవ్వు చెప్పింది నాతో నేనెవ్వరో ఏమిటో
నీ నీడ చూపింది నాలో ఇన్నాళ్ళ లోటేమిటో

https://www.youtube.com/watch?v=BCFFjroEKdQ

మిత్రులకి వందనం

ఈ రోజు తెలుగు చలనచిత్ర చరిత్ర లో సువర్ణాక్షరాలలతొ లిఖించదగ్గ చిత్రం రిలీజ్ అవుతోంది, దర్శకుడు గుణశేఖర్ తనే నిర్మాతగా నిర్మించిన రుద్రమదేవి. ఒక హీరొయిన్ ని నమ్మి 80 కోట్లు పెట్టి చిత్రం తీయడం అంటే మాటలా. మన తెలుగు వాడు చిత్రం తీసాడు చూడండి అని చెప్పటం లేదు, మన చరిత్ర తెరకి ఎక్కించారు చూడండి అంటున్నా. మల్టి స్టారర్ చిత్రాలు రావు అనుకునే తరుణంలో భాహుబలి, రుద్రమదేవి ఒకే సంవత్సరంలో నిర్మించడం ఒక శుభ తరుణం.

రాజా గారు చాలా  రోజుల తరువాత తెలుగు లో చేసిన చిత్రం, శాస్త్రి గారు సింగల్ కార్డు,  అనుష్క మీద చిత్రీకరించిన పున్నమి పువ్వై  పాట భలే ఉంది. అలాగే రాణా అనుష్కలమీద చిత్రీకరించిన అవునా నిజమేనా పాట చిత్రీకరణ ఎంతో బాగుంది. గ్రాఫిక్స్ చిత్రంలో భాగం కావడం వేరు, గ్రాఫిక్సే చిత్రం కావడం వేరు. తెలంగాణాకి తలమానికం అయిన కుంతలా వాటర్ ఫాల్ దగ్గర తీసిన ఈ పాట చాలా అందంగా చూపించారు దర్శకులు.




https://www.youtube.com/watch?v=ty23HlLQAgc

https://www.youtube.com/watch?v=odMiZu2vpHI

"శ్రద్ధయా దేయం, అశ్రద్ధయా దేయం,
శ్రియా దేయం, హ్రియా దేయం,
భియా దేయం, సంవిదా దేయం"

దానం చేయాలి .. శ్రద్ధతో చెయ్యాలి .. 
ఆ ఏదో ఇచ్చేంలే అన్నట్లు ఇవ్వకూడదు..
పెద్ద మనసుతో ఇవ్వాలి - భయంతో ఇవ్వాలి.
ఎడమ చేతికి తెలియకుండా కుడిచేత్తో ఇవ్వాలి ..
నేనే ఇస్తున్నాను ! అన్న అహంకారం లేకుండా ఇవ్వాలి.
ఇవ్వాలని ఇవ్వటం కాకుండా .., అవతలివాడు తృప్తి పడేట్టు ఇవ్వాలి. అంటారు ఉపనిషద్ లో, 

దానోత్సావ్ కార్యక్రమంలో భాగంగా మారియాట్ హోటల్ చేస్తున్న సత్కార్యక్రమాలని వివరించడానికి T V 9 వారి నవీన కార్యక్రమం లో పాల్గొనే అవకాశం దొరికింది, 

దానం చెయ్యడంలో ఉండే ఆనందాన్ని పొందండి, ఉన్నదాంట్లో ఎంతో కొంత లేనివారికి పంచుదాం, రండి దానోత్సావ్ లో పాల్గొందాం.  

vedam anuvanuvuna naadam

మిత్రులకి వందనం

పూర్ణోదయం నిన్నటితో అస్తమించిపోయింది, చేతులకి ఉండే 10 వేళ్ళలా కేవలం పదే పది సినిమాలు నిర్మించిన శ్రీ ఏడిద నాగేశ్వరరావు గారు లేరు అనే వార్త నాలాంటి సంగీత అభిమానులని కలచివేస్తోంది. పదే పది చిత్రాలు అని నొక్కి చెపుతున్నాను అని అనుకోకండి, తీసిన పది చిత్రాలు అణిముత్యాలు, మరపురాని చిత్రాలు, మరచిపోలేని చిత్రాలు. సిరి సిరి మువ్వ నుంచి ఆపద్భాందవుడు వరకు అన్ని గొప్ప చిత్రాలని నిర్మించి మంచి అభిరుచిగల వ్యక్తిగా  శ్రీ నాగేశ్వరరావు గారు మనకి పరిచయమే. వారు నిర్మించిన చిత్రాలలో ఎక్కువు విశ్వనాద్ గారు దర్శకత్వం వహించగా, సీతాకోకచిలుక భారతీరాజా, సితార వంశి, తాయారమ్మ బంగారయ్య చక్రవర్తి గారి సోదరుడు k శేషగిరి డైరెక్ట్ చేసారు.
ఏ పాట గుర్తుచేయ్యాలి, అన్ని సూపర్ హిట్సే, ఒక పాటను మించినది ఒకటి.

రాజా గారి సంగీతంలో వచ్చిన సాగర సంగమం  చిత్రంలో అన్ని పాటలు నాకు బాగా ఇష్టమైనవే,  వేదం అణువణువునా నాదం పాట విన్నప్పుడల్లా నా కళ్ళల్లో తెలియకుండానే ధారా మొదలవుతుంది. ఈ చిత్రం చూసిన తరువాత నేను కూడా నృత్యం నేర్చుకుంటానని అడిగితే మూడు సంవత్సరాలతరువాత మా నాన్నగారు నేర్పించడం మొదలు పెట్టారు, నిజంగానే నాలు ఆ కోరిక ఉందా లేక ఏదో టైం పాస్ కా అని ఆలోచించి ఉంటారు, సంగీత నృత్యాలలో నాలాంటి వారు ఎందరో పూర్ణోదయ వారి చిత్రాలనుంచి స్ఫూర్తి పొంది నేర్చుకున్నారు అనడంలో అతిశయోక్తి లేదు.

బాలు గారితో వారి సోదరి ఈ చిత్రంలో ముఖ్య పాత్ర పోషించిన శ్రీమతి  శైలజ పాడగా, శ్రీమాన్ వేటూరి వారు రచించారు.

గా మా రీ గమగస గమగస
మగస మగస గస
నీసా నిదమగ నిదమగ
దమగ దమగ మగ సరీసా సరీసా
గమాగా గమాగా గమాగ మదామ
దనీద నిసాని రీ నిసాని రీ

వేదం అణువణువున నాదం
వేదం అణువణువున నాదం
నా పంచప్రాణాల నాట్యవినోదం
నాలో రేగేనెన్నో హంసానందీ రాగాలై
వేదం వేదం అణువణువున నాదం
ఆ ఆ ఆ

సాగరసంగమమే ఒక యోగం
నిరిసనిదమగా గదమగరిసనీ
నిరిసనిదమగా
మదనిసరీ సగారి మగదమ
గమదనిసాని దనిమద గమరిగస
సాగరసంగమమే ఒక యోగం
క్షార జలధులే క్షీరములాయె
ఆ మధనం ఒక అమృతగీతం
జీవితమే చిరనర్తనమాయె
పదమలు తామే పెదవులు కాగా
పదమలు తామే పెదవులు కాగా
గుండియలే అందియలై మ్రోగ
ఆ ఆ ఆ ఆ ఆ ఆ
వేదం అణువణువున నాదం

ఆ ఆ ఆ ఆ ఆ ఆ
ఆ ఆ ఆ ఆ ఆ ఆ
ఆ ఆ ఆ ఆ ఆ ఆ
ఆ ఆ ఆ ఆ ఆ ఆ

మాతృదేవోభవ పితృదేవోభవ
ఆచార్య దేవోభవ ఆచార్య దేవోభవ
అతిథి దేవోభవ అతిథి దేవోభవ

ఎదురాయె గురువైన దైవం
ఎదలాయె మంజీర నాదం
గురుతాయె కుదురైన నాట్యం
గురు దక్షిణైపోయె జీవం
నటరాజ పాదాన తలవాల్చనా
నయనాభిషేకాన తరియించనా
నటరాజ పాదాన తలవాల్చనా
నయనాభిషేకాన తరియించనా
సుగమము రసమయ
సుగమము రసమయ
నిగమము భరతముగానా
వేదం అణువణువున నాదం
నా పంచప్రాణాల నాట్యవినోదం
నాలో రేగేనెన్నో హంసానందీ రాగాలై
వేదం వేదం అణువణువున నాదం
నా పంచప్రాణాల నాట్యవినోదం
నాలో రేగేనెన్నో హంసానందీ రాగాలై

జయంతితే సుకృతినో
రస సిద్దా: కవీశ్వరాః
నాస్తిక్లేతేశాం యశ: కాయే
జరామరణజం భయం
నాస్తి జరామరణజం భయం
నాస్తి జరామరణజం భయం
నాస్తి జరామరణజం భయం
వేదం వేదం వేదం వేదం

https://www.youtube.com/watch?v=uNXc5506m5M

raa mundadugeggam

నీకు తెలియనిదా నేస్తమా 
చెంత చేరననే పంతమా 
నువ్వు నేనని విడిగా లేమని 


ఈ నా శ్వాసని నిను నమ్మించని 
విద్వేషం పాలించే దేశం ఉంటుందా 
విధ్వంసం నిర్మించే స్వర్గం ఉంటుందా 
ఉందంటే అది మనిషిది అయి ఉంటుందా 
అడిగావా భూగోళమా 
నువ్వు చూసావా ఓ కాలమా
రా ముందడుగేద్దం 
యుద్ధం అంటే అర్థం ఇది కాదంటూ 
సరిహద్దుల్నే చెరిపే సంకల్పం అవుదాం 

ప్రేమను మించిందా బ్రహ్మా అస్త్రమైనా 
ఆయువు పోస్తుందా అయుధమెదైనా 
రాకాసుల ముకల్లె మార్చద పిడివాదం 
రాబందుల రెక్కల సడి ఏ జీవన వేదం 
సాదించేదేముంది ఈ వ్యర్ధ వినోదం 
ఏ సస్యం పండించదు మరు భూముల సేద్యం 
రేపటి శిశువుకు పట్టే ఆశల స్థన్యం  
ఈ పూటే ఇంకదు అందాం
నేటి దైన్యానికి దైర్యం ఇద్దాం


అందరికి సొంతం అందాల లోకం 
కొందరికి ఉందా పొందే అధికారం 
మట్టితోటి చుట్టరికం మరిపించే  వైరం 
గుర్తిస్తుందా మనిషికి మనిషితోటి బంధం 
ఏ కళ్యాణం కోసం ఇంతటి కల్లోలం 
నీకు తెలియనిదా నేస్తమా 
ఎవ్వరి క్షేమం కోసం ఈ మారణ హోమం 
చెంత చేరననే పంతమా 
కండలుగా విడదీసే ఝండాలన్ని 
తలవంచే తలపే అవుదాం 
ఆ తలుపే మన గెలుపని అందాం 

మిత్రులకి శుభోదయం 

చాలా రోజుల తరువాత మిత్రులని కలుస్తున్నా, 

సహస్ర చంద్ర దర్శనాలను చేసుకొని సస్రాలకొద్ది పాటలు పాడిన గానకోకిల లతమ్మ జన్మదినం నేడు, తెలుగులో తక్కువ పాటలు పాడినా గుర్తుండిపోయే పాటలు పాడారు ఆమె, సుసర్ల దక్షణా మూర్తి గారి సంగీత సారద్యంలో నిదురపోరా తమ్ముడా ఆమె మొదటి తెలుగు పాట అయితే, రాజేశ్వరరావు గారి సంగీత సారద్యంలో శ్రీ వేంకటేశ ఈశ పాట కూడా పాడారు, ఇవి రెండే కాకుండా రాజా గారి సంగీతంలో ఆఖరి పోరాటం లో తెల్ల చీరకు తకదిమి పాట మనందిరికి బాగా పరిచయం ఉన్న ప్రజాదరణ పొందిన పాట. వేటూరి వారి రచన. 

https://www.youtube.com/watch?v=3XySJ-1vssc

https://www.youtube.com/watch?v=Lr2GnBjo6nM

https://www.youtube.com/watch?v=LBG4DiO1ZEo

marala telupanaa priyaa

మిత్రులకి వందనం

వందేమాతరం శ్రీనివాస్ అంటే నాకు చాలా ఇష్టం, మంచి సంగీత దర్శకుడే కాదు మంచి గాయకులు కూడా, చాలామందికి తెలియని మరో గొప్ప విషయం ఏంటి అంటే సుమారు 10 రకాల వాయిద్యాలను సునాయాసంగా వాయించగల సమర్ధుడు అయిన. జన్మతః తెలంగాణా వాస్తవ్యుడు కావడం చేత, తెలంగాణా జానపద సంగీతం మీద ఆయినకుండే మమకారం చేత ఎక్కవ చిత్రాలు ఆలాంటివి చేసారు, ఒరియ్ రిక్షా, జై బోలో తెలంగాణా, పోరు తెలంగాణా లాంటివి. ఒరియ్ రిక్షాలో "మల్లె తీగకు పందిరి వోలె" పాట శ్రోతల గుండెలొతునుతాకి ఆర్ధ్రతను కలిగించింది అనడంలో అతిశయోక్తి లేదు.

కేవలం జానపద సంగీతమే కాకుండా మంచి సంగీతానికి అవకాశం ఉన్న పాటలు కూడా చేసారు శ్రీనివాస్, స్వయవరం చిత్రంలో కీరవాణి రాగం పాట మంచి ప్రజాదరణ పొందితే, ఆ చిత్రంలోని మరో పాట "మరల తెలుపన ప్రియ" పాట నాకు బాగా ఇష్టమైన పాట. చిత్రమ్మ చేత పాడించిన ఈపాట భువనచంద్ర రచించారు. ఇక్కడ భువనచంద్ర గారి గురించి చెప్పాలి, మంచి కవి ఎల్లాంటి సన్నివేశం ఇచ్చినా రాయగలడు! రచయత రాసిన కొన్ని పాటలని పరిగణ లోకి తీసుకొని వారి గురించి మాట్లాడతాం, అది తప్పు అనేది నాభావన, ఈ పాట చూడండి ఎంత మంచి, సున్నితమైన తెలుగు పదాలతో రాసారో భువనచంద్ర గారు. తీయటి ఈ తెలుగుపదాల ఈ పాటలో చేసిన మన పదహారణాల తెలుగు పిల్ల US వెళ్ళిపోయినా ఎల్లా మరిచిపోగలం.


మరల తెలుపన ప్రియ..మరల తెలుపనా
ఎదలోయల దాచుకున్న మధురోహల పరిమళాన్ని 
కనుపాపులో నింపుకున్న చిరునవ్వుల పరిచయాన్ని " మరల తెలుపన"


విరబూసిన వెన్నెలలో తెర తీసిన బిడియాలని
ఆణువణువూ అల్లుకున్న అంతు లేని విరహాలని
నిదుర పోనీ కన్నులలో పవళించు ఆశలని
చెప్పలేక చేత కాక మనసు పడే తడబాటుని   "మరల తెలుపన ప్రియ.."


నిన్న లేని భావమేదో కనులు తెరిచి కలయ చూసి
మాట రాని మౌనమేదో పెదవి మీద ఒదిగి పోయే
ఒక క్షణమే ఆవేదన మరు క్షణమే ఆరాధన
తెలియ రాక తెలుప లేక మనసు పడే మధుర భాద    "మరల తెలుపన ప్రియ.."

https://www.youtube.com/watch?v=sETIzbkAY1o

punya bhoomi

మిత్రులకి వందనం

మన పేజి లోని యాక్టివ్ మెంబెర్ అయిన @vijay ఈ మద్య పుణ్యభూమినాదేశం నమో నమామి పాటని గుర్తుచేయ్యమన్నారు. ఏ ఆగష్టు 15కో ఏ జనవరి 26కో పెడదాం అనుకున్నా, అయిన దేశ ప్రేమకి ఒకటి రెండు రోజులు ఏంటి, ప్రతి క్షణం ప్రేమించాలి, గౌరవించాలి మనం.

శ్రీ జాలాది గారు అధ్బుతంగా రచించిన ఈ పాట అజరామరం, తెలుగు పాట ఉన్నంత కాలం నిలిచే పాట.

జాలాది గారు నాకు నచ్చే, నేను ఇష్టపడే కవులలో ఒకరు. ఆయన రాసిన ఒక లైన్ అంటే నాకు భలే ఇష్టం, చేతి వేళ్ళు కలిస్తే కళ్యాణం కాలి వేళ్ళు కలిస్తే నిర్యాణం అంటారు, అంత సింపుల్ గా రాస్తారు అందరికి అర్ధం అయ్యేట్టు.

ఈ రోజు మీకోసం అన్న NTR నటించిన సూపర్ హిట్  చిత్రం మేజర్ చంద్రకాంత్ నుంచి పుణ్యభూమి నాదేశం, MM కీరవాణి బాణిలను చేకూర్చిన KR చిత్రం ఇది. బాలు మాత్రమే పాడగలరు ఇలా. అన్న ఎన్టీఆర్ జిందాబాద్

పుణ్యభూమి నాదేశం నమో నమామి..
ధన్యభూమి నాదేశం సదా స్మరామి. ॥పుణ్యభూమి॥

నన్ను కన్న నాదేశం నమో నమామి..
అన్నపూర్ణ నా దేశం సదా స్మరామి
మహామహుల కన్న తల్లి నా దేశం
మహోజ్వలిత చరిత కన్న భాగ్యోదయ దేశం ....నా దేశం..... ॥పుణ్యభూమి॥

అదిగో ఛత్రపతి.. ద్వజమెత్తిన ప్రజాపతి
మతోన్మాద శక్తులు చురకత్తులు ఝలిపిస్తే
మానవతుల మాంగళ్యం మంట గలుపుతుంటే
ఆ క్షుద్ర రాజకీయానికి రుద్ర నేత్రుడై లేచి
మాతృభూమి నుదిటి పై నెత్తుటి తిలకం దిద్దిన మహావీరుడు... సార్వ భౌముడు...
అడుగో అరి భయంకరుడు కట్ట బ్రహ్మన
అది వీర పాండ్య వంశాంకుర సింహ గర్జన ॥అడుగో॥
ఒరేయ్‌ ఎందుకు కట్టాలిరా శిస్తు,
నారు పోసావా.... నీరు పెట్టావా ....
కోత కోసావా .... కుప్పనూర్చావా....
ఒరేయ్ తెల్ల కుక్క
కష్టజీవుల ముష్టి మెతుకులు తిని బ్రతికే నీకు శిస్తెందుకు కట్టాలి రా...
అని పెళ పెళ సంకెళ్ళు తెంచి స్వరాజ్య పోరాటమెంచి
ఉరికొయ్యల ఉగ్గుపాలు తాగాడు
కన్న భూమి ఒడిలోనే ఒరిగాడు ॥పుణ్యభూమి॥ ॥నన్ను కన్న ॥

అదిగదిగో...అదిగదిగో... ఆకాశం భల్లున తెల్లారి
వస్తున్నాడదిగో మన అగ్గి పిడుగు అల్లూరి అగ్గి పిడుగు అల్లూరి
ఎవడురా నా భరత జాతిని కప్పమడిగిన తుచ్చుడు
ఎవడు ఎవడా పొగరు బట్టిన తెల్లదొరగాడెవ్వడు
బ్రతుకు తెరువుకు దేశమొచ్చి భానిసలుగా మమ్మునెంచి
పన్నులడిగే కొమ్ములొచ్చిన దమ్ములెవడికి వచ్చెరా
బడుగు జీవులు బగ్గు మంటే.. ఉడుకు నెత్తురు ఉప్పెనైతె
ఆ చండ్ర నిప్పుల గండ్ర గొడ్డలి పన్ను గడతది చూడరా
అన్న ఆ మన్నెందొర అల్లూరిని చుట్టి ముట్టి
మందీ మార్బలమెట్టి మరఫిరంగులెక్కిపెట్టి
వంద గుళ్ళు ఒక్కసారి పేల్చితే
వందే మాతరం వందే మాతరం వందే మాతరం
వందే మాతరం వందే మాతరం అన్నది ఆ ఆకాశం

అజాదు హిందు ఫౌజు దళపతి నేతాజి
అఖండ భరత జాతి కన్న మరో శివాజి
సాయుద సంగ్రామమే న్యాయమని
స్వతంత్ర్య భారతావని మన స్వర్గమని
ప్రతి మనిషొక సైనికుడై ప్రాణార్పణ చెయ్యాలని
హిందు ఫౌజు జైహింద్ అని నడిపాడు.
గగన శిగలకెగసి కనుమరుగై పోయాడు
జోహార్ జోహార్ సుభాష్ చంద్ర బోస్
జోహార్ జోహార్ సుభాష్ చంద్ర బోస్

గాంధీజి కలలు కన్న స్వరాజ్యం
సాధించే సమరం లో అమర జ్యోతులై వెలిగే
ధ్రువ తారల కన్నది ఈ దేశం
చరితార్ధుల కన్నది నా భారతదేశం నా దేశం ॥పుణ్యభూమి॥ ॥నన్ను కన్న ॥ 

https://www.youtube.com/watch?v=rC0g0719uBM

raavoyi bangaari maavaa

మిత్రులకి వందనం

అప్పుడప్పుడు సినిమా పాటలే కాకుండా లలిత గీతాలు, ప్రైవేటు సాంగ్స్ కూడా పెట్టడం జరుగుతోంది, కొందరు పెద్దలు కోరుతున్నారు వారికోసం  ముఖ్యంగా @Sri  గారి కోసం,

కొనకళ్ళ వెంకటరత్నం గారు ఎన్నో అద్భుతమైన పాటలు రాసారు, మిత్రులు వినేఉంటారు "మొక్కజొన్న తోటలో ముసిరినచీకట్లలో" అనే జానపద గీతం అది వారు రాసినదే. చాలా గీతాలు చలచిత్రాలకి కూడా రాసారు వారు.

ఘంటసాల మాస్టారు ఆరోజుల్లో ఎన్నో ప్రైవేటు పాటలు పాడేవారు, సాలూరి రాజేశ్వరరావు గారు చేసిన ఎన్నో ప్రైవేటు సాంగ్స్ ఎంతోమంది వింటూ ఉంటారు.

కొనకళ్ళ వారు  బంగారిమావ పేరిట కొన్ని గీతాలని రచించారు, అందులో నాకు బాగా ఇష్టమైన పాట "రావోయి బంగారి మావా పాట" ఘంటసాల గారు పాడిన ఈపాటకి  రాజేశ్వరరావు గారు సంగీతం అందించారు.

రచన చూడండి ఎంత చెమత్కారంగా ఉంటుందో "అవిసి పువ్వులు రెండు అందకున్నైనాకు తుంచి నా సిగలోన తురిమి పొడువు పోదువు గాని"


పసిడి పొల్లలొ పల్లె పడుచు తనమావ కోసం కలవపడుతూ ఇలా పిలుస్తోంది!

రావోయి బంగారి మావా నీతోటి రాహస్యమొకటున్నదోయి "2"
నీళ్ళతూరాలవెన్క నిలుచున్న పాటనే "2"
జల జలల్ విని గుండె ఝల్లుమంటున్నాది   "రావోయి బంగారి మావా"
అవిసి పువ్వులు రెండు అందకున్నైనాకు
తుంచి నా సిగలో తురిమి పోదువు గాని   "రావోయి బంగారి మావా"
ఏటి పడవ తరంగు పాట గిరికీలలో
చెలి కాడ మన వగలు కల బోసుకుందాం  "రావోయి బంగారి మావా"

https://www.youtube.com/watch?v=Cz3af36H23g

శ్యామ సుందరుడు నల్లని వాడు, కాని  పద్మ నయనంబుల వాడు అని, కృపా రసంబు తమపై  పడాలని ఆ గిరిరాజ పుత్రి వస్తూ ఆ మేరు పర్వత వెలుగులు తెచ్చి ఆ పెద్ద పెద్ద కళ్ళలో వెలుగులు నింపింది, అంతేనా ఆ సుందరుడి సాహచర్యంతో "ప్రదీప్త"మైన "పూర్ణిమా" కాంతులు నింపింది. ఆ పూర్ణిమా నిశలకు ప్రశాంతుడు చల్లని తోడై, వీడని నీడై, ప్రవరుడై, ప్రచేతుడయ్యాడు, అంతటితో ఆగిందా మరి ప్రదీప్త కాంతులు శ్రీధరమై సుమధురమై అమేయమై ఈరోజు అవ్యయమైన ఆనందాన్ని ఇచ్చింది. 

ఆ ఆనందం కలకాలం నిలవాలని మీకు జన్మదిన శుభాకాంక్షలు తెలియచేస్తున్నా.

jeevitam sapta saagara teeram

మిత్రులకి శుభోదయం

నాకు బాగా ఇష్టమైన గాయకురాలు ఆశా భోస్లే, తెలుగులో  చాలా గేయాలను ఆలపించారు, ఆల్మోస్ట్ అన్ని హిట్సే, నేడు ఆ మహాగాయకురాలి జన్మదినం.

తెలుగు ఆమె పాడిన అశ్వమేధం చిత్రంలోని శీతాకాలం ప్రేమకు అలాగే చిన్ని కృష్ణుడు చిత్రం లోని జీవితం సప్త సాగర గీతం నాకు చాల ఇష్టమైన పాటలు.

ఆమె కొన్ని అన్నమయ్య కీర్తనలు కూడా పాడారంటే నమ్ముతారా, youtube లో చూడండి ఉన్నాయి.

వేటూరి వారు రచించిన ఈ R D బర్మన్ గారి పాటని బాలుతో కలసి ఆశ చేత  జంధ్యాల గారు పాడించారు.

వేటూరి వారు చూడండి ఎంత గొప్ప రచయతో, మనదేశంలోని కలకత్తా గురించి, కాశి గురించి రాసారంటే ఒకే, వేరే దేశం అందులోని గోప్పతనాలగురించి, నిజంగా గ్రేట్. R D మ్యూజిక్ సింప్లీ సూపర్బ్, రాసిన పాటకి ట్యూన్ కట్టడం జరిగింది అనుకుంటా.



తరా..రారా..రరా తరరా... జీవితం సప్త సాగర గీతం వెలుగు నీడల వేదం ... సాగనీ పయనం కల ఇల కౌగిలించే చోట కల ఇల కౌగిలించే చోట జీవితం సప్త సాగర గీతం వెలుగు నీడల వేదం ... సాగనీ పయనం కల ఇల కౌగిలించే చోట కల ఇల కౌగిలించే చోట ఏది భువనం ఏది గగనం తారతోరణం ఈ చికాగో సియర్స్ టవరు యె స్వర్గ సోపానము ఏది సత్యం ఏది స్వప్నం డిస్నీ జగతిలొ ఏది నిజమో ఏది మాయో తెలియని లోకము హే..  బ్రహ్మ మానస గీతం...ఊ.. మనిషి గీసిన చిత్రం ....ఊ.. చేతనాత్మక శిల్పం... మతి కృతి పల్లవించే చోట జీవితం సప్త సాగర గీతం వెలుగు నీడల వేదం ... సాగనీ పయనం కల ఇల కౌగిలించే చోట కలా ఇలా కౌగిలించే చోట ఆ లిబర్టీ శిల్ప శిలలలో స్వేచ్చా జ్యొతులు ఐక్యరాజసమితి లోన కలిసే జాతులు ఆకాశన  సాగిపోయే అంతరిక్షాలు.. ఈ మియామి బీచ్ కన్న ప్రేమ సామ్రాజ్యము హే.. సృష్టికే ఇది అందం దృష్టికందని దృశ్యం .. కవులు రాయని కావ్యం కృషి ఖుషీ సంగమించే చోట కృషి ఖుషీ సంగమించే చోట జీవితం సప్త సాగర గీతం వెలుగు నీడల వేదం ... సాగనీ పయనం కల ఇల కౌగిలించే చోట కలా ఇలా కౌగిలించే చోట

https://www.youtube.com/watch?v=bQraEyMBDPI

nene raadhanoyi

మిత్రులకి శుభోదయం

1925లో ఇదేరోజున జన్మించిన భానుమతి గారు నేటికి తొమ్మిది పదులు పూర్తి చేసుకున్నారు, నటిగానే కాకుండా, గాయని, సంగీత దర్శకురాలు, రచయత్రి,  దర్శకురాలిగా, నిర్మాతగా ఇలా అన్ని రంగాలలో భహుముఖ ప్రజ్ఙాశాలి అమె.

నిన్ననే కన్నయ్య పుట్టినరోజు జరుపుకున్నాం, అంతా మన మంచికే అనే చిత్రంలో ఆమె పాడిన నేనే రాధనోయి పాట అంటే నాకు ప్రాణం, ఎంత అద్భుతంగా అలపించారో. సత్యం గారు చేసిన ఈ గీతం దాశరధి గారు రచించారు.

ఎక్కడో చదివా ఆమె ఆరోజులలో కర్ణాటిక శాస్త్రీయ సంగీత కచేరీలు M S గారితో కలిసి చేసారని, దానిబట్టి ఆలోచించండి ఎంత గొప్ప గాయనో ఆమె. అంతే కాదు తోడూ నీడ చిత్రంలో doris day అనే ఇంగ్లీష్ పాట పాడి వైవిధ్యాన్ని చూపారు.




https://www.youtube.com/watch?v=VRkLYaxmaaA

https://www.youtube.com/watch?v=nUSLdY4mL4Q

happy happy birthdaylu

మిత్రులకి వందనం

ఈ రోజు PK గారి పుట్టినరోజు, వారికి జన్మదిన శుభాకాంక్షలు, తనకంటూ ఒక విలక్షణత తెచ్చుకున్న మంచి నటుడు మంచి మనిషి pK.

వచ్చిన కొత్తల్లో చేసిన సుస్వాగతం చిత్రంలోని హ్యాపీ హ్యాపీ బర్త్ డేలు సాంగ్ బాగుంటుంది, సామవేదం షణ్ముఖ శర్మ గారు రాసిన ఈ SA రాజకుమార్ గారి ఈ పాట మనో జయచంద్రన్ పాడారు.

హ్యాపి హ్యాపి బర్త్డేలు
మళ్లి మళ్లి చేసుకోగ
శుభాకాంక్షలందజేయమా మిత్రమా
ఆపలేని స్వేచ్ఛ ఉంది
అందినంత ఛాన్సు ఉంది
అందుకోర పుత్ర రత్నమా నేస్తమా
జీవితానికే అర్థం ప్రేమని
మరిచిపోదు మా యవ్వనమే
ప్రేమ అన్నదే సర్వం కాదని
చాటుతుంది మా అనుభవమే
చిలిపి వయసు వరస తమకు తెలియద
హ్యాపి హ్యాపీ ఓ ఓ
హ్యాపి హ్యాపి బర్త్డేలు
మళ్లి మళ్లి చేసుకోగ
శుభాకాంక్షలందజేయమా మిత్రమా

తెలియకడుగుతున్నాలే కంప్యూటరేమంటోంది
పాఠమెంత అవుతున్నా ఫలితం ఏమైంది
బోధపడని కంప్యూటర్
బదులన్నదే లేదంది
విసుగురాని నా మనసే
ఎదురే చూస్తోంది
ప్రేమకథలు ఎప్పుడైన ఒకటే ట్రెండ్
ఆచితూచి ముందుకెళ్ళు ఓ మై ఫ్రెండ్
అప్టుడేటు ట్రెండు మాది టోటల్ చేంజ్
పాత నీతులింక మాకు నో ఎక్స్ఛేంజ్
ఫ్రెండులాంటి పెద్దవాడి అనుభవాలసారమే
శాసనాలు కావు నీకు
సలహాలు మాత్రమే
కలను వదలి ఇలను తెలిసి నడుచుకో
హ్యాపి హ్యాపీ ఓ ఓ
హ్యాపి హ్యాపి బర్త్డేలు
మళ్లి మళ్లి చేసుకోగ
శుభాకాంక్షలందజేయమా మిత్రమా

నింగిలోని చుక్కలనే
చిటికేసి రమ్మనలేమా
తలచుకుంటే ఏమైనా ఎదురేలేదనమా
నేల విడిచి సామైతే
టైం వేస్టురా ఈ ధీమా
ముందు వెనుక గమనిస్తే
విజయం నీది సుమా
రోజా నవ్వు రమ్మంటున్న రోజు కదా
తాకకుండ ఊరుకుంటె తప్పు కదా
నవ్వు కింద పొంచి ఉన్న ముళ్ళు కదా
చూడకుండ చెయ్యి వేస్తే ఒప్పు కదా
ముళ్ళు చూసి ఆగిపోతే
పువ్వులింక దక్కునా లక్ష్యమందకుండ
లైఫుకర్థమింక ఉండునా
తెగువ తెలుపు గెలుపు మనకి దొరకగ

హ్యాపి హ్యాపీ ఓ ఓ
హ్యాపి హ్యాపి బర్త్డేలు
మళ్లి మళ్లి చేసుకోగ
శుభాకాంక్షలందజేయమా మిత్రమా
ఆపలేని స్వేచ్ఛ ఉంది
అందినంత ఛాన్సు ఉంది
అందుకోర పుత్ర రత్నమా నేస్తమా
జీవితానికే అర్థం ప్రేమని
మరిచిపోదు మా యవ్వనమే
ప్రేమ అన్నదే సర్వం కాదని
చాటుతుంది మా అనుభవమే
చిలిపి వయసు వరస తమకు తెలియద
హ్యాపి హ్యాపీ ఓ ఓ
హ్యాపి హ్యాపి బర్త్డేలు
మళ్లి మళ్లి చేసుకోగ
శుభాకాంక్షలందజేయమా మిత్రమా

https://www.youtube.com/watch?v=Jw7UK-9_Bdc