శరణు వేడెద యజ్ఙసంభవ రామ

 జై శ్రీమన్నారాయణ 

రాగం : హంసానంది 

పాడినవిధానాం : శ్రీమాన్ బాలకృష్ణప్రసాద్ గారు 

సంపుటి 3, సంకీర్తన 155

శరణు వేడెద యజ్ఙసంభవ రామ 

అరసి రక్షించు మమ్ము అయోధ్యరామ 

ధారుణిలో దశరధతనయ రామ 

చేరిన అహల్యను రక్షించిన రామ 

వారిధిబంధన కపివల్లభ రామ 

తారకబ్రహ్మమైన సీతాపతి రామ 

ఆదిత్య కులాంబుధి మృగాంక రామ! హర -

కోదండభంజనము చేకొనిన రామ 

వేదశాస్త్ర పురాణాది  వినుత రామ 

ఆదిగొన్న తాటకసంహార రామ 

 

రావణుని భంజించిన రాఘవ రామ 

వావిరి విభీషణవరద రామ 

సేవ నలమేల్మంగతో శ్రీ వేంకటేశుడవై 

ఈవల  దాసుల నెల్లా నేలినట్టి రామ