అని ఆనతతిచ్చె కృష్ణుడర్జునునితో

 జై శ్రీమన్నారాయణ 

సంపుటి 2, సంకీర్తన 438

రాగం : శుద్ధసావేరీ 

పాడినవిధానం : శ్రీమాన్ బాలకృష్ణ ప్రసాద్ గారు 

భూమిలోను చొచ్చి సర్వభూతప్రాణులనెల్ల

దీమసాన మోచేటిదేవుఁడ నేను

భూమిలోను చొచ్చి సర్వభూతప్రాణులనెల్ల

దీమసాన మోచేటిదేవుఁడ నేను

కామించి సస్యములు కలిగించి చంద్రుఁడనై

తేమల పండించేటిదేవుడ  నేను

కామించి సస్యములు కలిగించి చంద్రుఁడనై

తేమల పండించేటిదేవుడ  నేను

అని ఆనతతిచ్చె కృష్ణుడర్జునునితో

అని ఆనతతిచ్చె కృష్ణుడర్జునునితో

విని ఆతని భజించు వివేకమా

అని ఆనతతిచ్చె కృష్ణుడర్జునునితో

అని ఆనతతిచ్చె కృష్ణుడర్జునునితో

 

 

 

దీపనాగ్నినై జీవదేహముల అన్నములు

తీపుల ఆరగించేటిదేవుఁడ నేను

దీపనాగ్నినై జీవదేహముల అన్నములు

తీపుల ఆరగించేటిదేవుఁడ నేను

యేపున నిందరిలోనిహృదయములోన నుందు

యేపున నిందరిలోనిహృదయములోన నుందు

దీపింతుఁ తలఁపుమరపై దేవుఁడ నేను

యేపున నిందరిలోనిహృదయములోన నుందు

దీపింతుఁ తలఁపుమరపై దేవుఁడ నేను

అని ఆనతతిచ్చె కృష్ణుడర్జునునితో

అని ఆనతతిచ్చె కృష్ణుడర్జునునితో

విని ఆతని భజించు వివేకమా

అని ఆనతతిచ్చె కృష్ణుడర్జునునితో

అని ఆనతతిచ్చె కృష్ణుడర్జునునితో

 

 

 

వేదములన్నిటిచేతా వేదాంతవేత్తలచే

ఆది నే నెరఁగఁదగినయాదేవుఁడను

వేదములన్నిటిచేతా వేదాంతవేత్తలచే

ఆది నే నెరఁగఁదగినయాదేవుఁడను

శ్రీదేవితోఁ గూడి శ్రీవేంకటాద్రిమీఁద

శ్రీదేవితోఁ గూడి శ్రీవేంకటాద్రిమీఁద

పాదైనదేవుడఁను భావించ నేను

శ్రీదేవితోఁ గూడి శ్రీవేంకటాద్రిమీఁద

పాదైనదేవుడఁను భావించ నేను

అని ఆనతతిచ్చె కృష్ణుడర్జునునితో

అని ఆనతతిచ్చె కృష్ణుడర్జునునితో

విని ఆతని భజించు వివేకమా

అని ఆనతతిచ్చె కృష్ణుడర్జునునితో

విని ఆతని భజించు వివేకమా

అని ఆనతతిచ్చె కృష్ణుడర్జునునితో

 

 

 భగవద్గీతలో శ్రీ కృష్ణుడు అర్జునునకు ఇచ్చిన ఉపదేశాన్ని మన అన్నమయ్య అచ్చ తెలుగులో అందంగా ఈ పాటలో అందించారు! శ్రీ కృష్ణుడు అర్జునునితో ఇల్లా అంటున్నాడు " నేను భూమిలో ప్రవేశించి చైతన్య శక్తితో సకల ప్రాణులను ధరించు దేవుడను! చంద్రుని రూపంలో నెలవై రసములు నింపి ఓషదులను వృద్ధి చేసి పండించు దేవుడను! సకల జీవుల దేహాలలో జఠరాగ్నినై ఆహారాన్ని జీర్ణం చేసే దేవుడను! అందరి హృదయాలలో సర్వాంతర్యామిగా కోలువైన దేవుడను నేను! మరపు (మాయ), జ్ఙాపకము (తెలివి) రూపంలో ఉన్న దేవుడను నేను! సకల వేదాల చేత, వేదాంతవేత్తల చేత మొదటి తెలియదగిన దేవుడను నేను! అట్టి నేనెను కలియుగంలో శ్రీ మహాలక్ష్మితో కూడి శ్రీ వెంకటాద్రిపై స్థిర నివాసమేర్పరచుకున్నాను" ఇప్పుడు అన్నమయ్య మన బుద్ధికి జ్ఙానబోధ చేస్తున్నాడిలా, "ఓ వివేకమా! ఇది విని ఆ దేవుని కీర్తించుము" మరి అన్నమయ్య పాటతోనే ఆ వేంకటేశ్వరుడిని కీర్తించుదామా!  

భజించు = కీర్తించు

దిమసాన = ధైర్యముతో , ఓజోబలముతో  

దీపానాగ్ని = జఠరాగ్ని (వైశ్వానరము) 

ఆది = మొదలు 

పాదైనా = నెలకొన్న